Foto: t.me/mazhilis_kz
Májilis depýtaty Rinat Zaiytov eldegi eń tómengi jalaqy 300 myń teńge bolýy kerek dep sanaidy. Bul týraly ol Májilis kýlýarynda aitty, dep habarlaidy Sputnik Qazaqstan.
Depýtattyń pikirinshe, qazir eldegi eń tómengi jalaqy mólsheri óte tómen.
"Ministrlikter eseptesin. Menińshe eń tómengi jalaqy 300 myń teńge bolýy kerek", - dedi Zaiytov Májilis kýlýarynda jýrnalister suraǵyna jaýap berip.
Aitýynsha, eń tómengi jalaqyny biýdjetke salmaq túsirmei kóterýge bolady.
"Siz ulttyq kompaniialardyń basshylary, orynbasarlary jylyna qansha syiaqy alatynyn bilesiz be? Júzdegen milliondap alady. Nege sony retke keltirmeidi? Men neniń esebinen kóterýge bolatynyn sheshý úshin túrli jol taýyp beremin. Men ǵana emes, búkil depýtattar taýyp beredi", - deidi májilismen.
Ol bul memlekettiń shyǵynyn qysqartý emes, tek sandardy oinatý ekenin atap ótti.
"Qyzmetkerlerdiń sanaty degen bolady, solardyń ruqsat etilgen mejeleri. Sony retke keltirse, bul óz-ózinen sheshiletin suraq. Aqyry qymbatshylyqpen kúrese almasaq, halyqtyń tabysyn kóterip berýimiz kerek", - dedi Zaiytov.
Qazir respýblikadaǵy eń tómengi jalaqy 70 myń teńgeni quraidy. Prezident kelesi jyldyń qańtarynan onyń mólsherin 85 myń teńgege deiin kóterýdi tapsyrdy.
