فوتو: t.me/mazhilis_kz
مەجٸلٸس دەپۋتاتى رينات زايىتوۆ ەلدەگٸ ەڭ تٶمەنگٸ جالاقى 300 مىڭ تەڭگە بولۋى كەرەك دەپ سانايدى. بۇل تۋرالى ول مەجٸلٸس كۋلۋارىندا ايتتى, دەپ حابارلايدى Sputnik قازاقستان.
دەپۋتاتتىڭ پٸكٸرٸنشە, قازٸر ەلدەگٸ ەڭ تٶمەنگٸ جالاقى مٶلشەرٸ ٶتە تٶمەن.
"مينيسترلٸكتەر ەسەپتەسٸن. مەنٸڭشە ەڭ تٶمەنگٸ جالاقى 300 مىڭ تەڭگە بولۋى كەرەك", - دەدٸ زايىتوۆ مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
ايتۋىنشا, ەڭ تٶمەنگٸ جالاقىنى بيۋدجەتكە سالماق تٷسٸرمەي كٶتەرۋگە بولادى.
"سٸز ۇلتتىق كومپانييالاردىڭ باسشىلارى, ورىنباسارلارى جىلىنا قانشا سىياقى الاتىنىن بٸلەسٸز بە? جٷزدەگەن ميلليونداپ الادى. نەگە سونى رەتكە كەلتٸرمەيدٸ? مەن نەنٸڭ ەسەبٸنەن كٶتەرۋگە بولاتىنىن شەشۋ ٷشٸن تٷرلٸ جول تاۋىپ بەرەمٸن. مەن عانا ەمەس, بٷكٸل دەپۋتاتتار تاۋىپ بەرەدٸ", - دەيدٸ مەجٸلٸسمەن.
ول بۇل مەملەكەتتٸڭ شىعىنىن قىسقارتۋ ەمەس, تەك سانداردى ويناتۋ ەكەنٸن اتاپ ٶتتٸ.
"قىزمەتكەرلەردٸڭ ساناتى دەگەن بولادى, سولاردىڭ رۇقسات ەتٸلگەن مەجەلەرٸ. سونى رەتكە كەلتٸرسە, بۇل ٶز-ٶزٸنەن شەشٸلەتٸن سۇراق. اقىرى قىمباتشىلىقپەن كٷرەسە الماساق, حالىقتىڭ تابىسىن كٶتەرٸپ بەرۋٸمٸز كەرەك", - دەدٸ زايىتوۆ.
قازٸر رەسپۋبليكاداعى ەڭ تٶمەنگٸ جالاقى 70 مىڭ تەڭگەنٸ قۇرايدى. پرەزيدەنت كەلەسٸ جىلدىڭ قاڭتارىنان ونىڭ مٶلشەرٸن 85 مىڭ تەڭگەگە دەيٸن كٶتەرۋدٸ تاپسىردى.
