Sońǵy on jyldaǵy eń kúshti magnittik daýyl biyl shilde aiynda baiqalady. Bul tabiǵi qubylys adamdardyń densaýlyǵyna áser etýi múmkin. Osyǵan bailanysty, dárigerleri turǵyndarǵa barynsha saq bolýdy eskertti, dep habarlaidy QazAqparat tilshisi.
Magnittik daýyl kezinde adam álsireidi. Ásirese, qart kisilerdiń densaýlyǵy syr beredi. Aiaǵy aýyr kelinshekter men balalar úshin de qaýpti. Magnittik daýyl qubylysy kezinde kún qatty ysidy.
Bul kezde adamdardyń basy ainalyp, júregi ainyp, tamaqqa tábeti bolmai, uiqysy keledi.
«Magnittik daýyl eń aldymen adamnyń ortalyq júike júiesine jáne júrek-qan tamyrlaryna salmaq túsiredi. Infarkt, insýlt, gipertoniialyq kúrt asqyný jáne t.b. aýrýlardy qozdyrady. Bul kúnder sozylmaly júrek-qan tamyrlar aýrýlary men ókpe patologiiasy bar adamdar úshin qiyndyq týǵyzady. Tipti, meteo jaǵdaida táýeldi emes adamdardyń da júregi ainyp, qaltyraidy», - deidi Almaty qalalyq № 7 klinikalyq aýrýhanasynyń dárigeri Aidana Lepesova.
Sondai-aq, magnittik daýyl adamdardyń kóńil-kúiine de áser etedi. Eshteńege zaýqy bolmai, selqostyq pen uiqyshyldyq týdyrady.
«Sozylmaly aýrýlarǵa shaldyqqan adamdar qajetti dárilerin aldyn ala alyp qoiǵany abzal. Tipti, densaýlyǵy jaqsy adamdardyń ózi sý ishý rejimin saqtaý qajet. Kofe men sýsyndardy shóp shai nemese taza sýǵa aýystyrǵany jón. Spirttik ishimdikten bas tartqan durys», - deidi dáriger.
Magnittik daýyl kúnderi júrek-qan tamyrlar júiesine salmaq túsirmeý úshin tamaqty azyraq jegen durys. Maily, tuzdy, ashy taǵamdardy paidalanbaǵan abzal.
«Magnittik daýyl kezinde kóbirek uiyqtaǵan durys. Al, meteosoqqy kúni ashýlanbaýǵa tyrysyp, barlyq sharýany kúnniń birinshi jartysynda atqaryp tastaǵan abzal. Kardiosalmaq túsirýden bas tartý kerek», - dep keńes berdi Aidana Lepesova.
Densaýlyqqa salmaq salmaý úshin taza aýada jii serýendep, jeńil taǵamdarmen tamaqtaný kerek.
Magnittik daýyl kúniń qatty ysýynan paida bolyp, ǵarysh arqyly jerge túsedi. Kelesi magnittik daýyl shildeniń 29 kúni bolýy múmkin.
Alaida, ǵalymdar jerde magnittik daýyl ai saiyn ótetindigin aitady.
