Emtihan komissiiasynyń múshelerine dastarhan jaiý "dástúri" qashan joiylady — ministr jaýap berdi

Foto: ashyq derekkóz

Ǵylym jáne joǵary bilim ministri Saiasat Nurbek joǵary oqý oryndarynda stýdentterdiń emtihan komissiiasynyń múshelerine dastarhan jaiý "dástúrine" qashan tosqaýyl qoiylatynyn aitty, dep habarlaidy Ult.kz. 

Ministr mundai jaǵdailardyń áli de kezdesetinin moiyndap, olardyń zańsyz ekenin aitty.

«Biz mundai jaǵdailarǵa tosqaýyl qoiyp kelemiz. Áleýmettik jelilerde mundai faktiler jariialanyp turady, biz olardy baqylap, toqtatyp, ýniversitet basshylyǵymen tiisti jumystar júrgizemiz. Bul keńes zamanynan qalǵan tájiribe, biraq qazirgi ýaqytta onyń ózektiligi joq. Munyń bárine tyiym salynǵan. Zań júzinde eshqandai nusqaý joq (red. eskertý – komissiiany tamaqtandyrý), bul tek ótkenniń sarqynshaǵy», – dedi Ǵylym ministri.

Osyndai jaǵdailarǵa tap bolǵandar stýdentterdiń quqyqtaryn qorǵaý boiynsha ár óńirde jumys isteitin ýákilderge júgine alady.

«Men olarmen jeke bailanystamyn, árqaisysymen. Bizdiń chatymyz bar. Stýdentter quqyǵy buzylýy anyqtalsa, ombýdsmen dereý iske qosylady. Olardyń jetkilikti ókilettikteri bar», – dep qosty Saiasat Nurbek.