17 shilde kúni Belgiia astanasy Briýsselde Eýroodaqtyń eki kúndik tótenshe sammiti ashyldy. Odaqqa múshe 27 eldiń basshylary ekonomikalaryn qalpyna keltirýdiń ortaq josparyn jáne odaqtyń kelesi jeti jyldaǵy biýdjetin naqtylaý úshin jinaldy. Eýroodaq ekonomikasyn qalpyna keltirý úshin 2021-2027 jyldary 1,85 trillion evro jumsaýdy josparlap otyr. Halyqaralyq frantsýz radiosynyń aitýynsha, bul odaq tarihyndaǵy buryn-sońdy bolmaǵan soma.
Frantsiia prezidenti Emmanýel Makron Briýsseldegi sammit Eýropa úshin "aqiqat sáti" dedi. Makron Eýroodaqtaǵy jaǵdaidy "densaýlyq saqtaý, ekonomika jáne áleýmettik salada buryn-sońdy bolmaǵan daǵdarys dep baǵalady. Frantsiia basshysynyń pikirinshe, daǵdarystan ótý úshin Eýroodaqtyń ekonomikasyn qalpyna keltirý, onyń tehnologiialyq, ónerkásiptik jáne ekologiialyq sýverenitetine qol jetkizý boiynsha biryńǵai ustanym kerek. Emmanýel Makron bul pikirin twitter-akkaýntynda jariialady.
"Kelispeýshiliktiń aýqymy keń dedi Germaniia kantsleri Angela Merkel. Sammit basynda ol "kelissózderdiń aýyr ótetinin, osy sammit kezinde kelisim jasalatynyna senimdi emes ekenin aitty dep habarlady "Nemis tolqyny radiosy.
