Astanalyq áleýmettik meditsinalyq saqtandyrý Qory Tirkeý naýqany aiasynda emhanalarǵa tirkelgen turǵyndardyń aldyn ala monitoringin jasady. Tirkelgen turǵyndar sany boiynsha «Salaýatty Astana», «Shipager» Otbasylyq densaýlyq ortalyǵy» jekemenshik emdeý mekemeleri men qalalyq №9, №2 emhanalary kósh bastap tur.
Naýqan bastalǵaly 18 761 azamat bastapqy meditsinalyq-sanitarlyq kómek uiymy men mamandy tańdaýda erkin tańdaý quqyǵyn paidalandy, 1233 adam Naýqan aiasynda tirkeldi, bul azamattar - turaqty nemese ýaqytsha mekenjaiy, jumysy nemese oqý ornynyń ózgerýine bailanysty emhanalaryn aýystyrǵan tulǵalar.
Qor filialynyń direktory N.Qabdyqaparovtyń aitýynsha, Naýqan sheńberinde emhanalarǵa tirkelgen azamattarǵa 2019 jyldyń 1 qańtarynan bastap qyzmet kórsetiledi. Jańa emhanaǵa tirkelgen kezde biryńǵai júie azamatty burynǵy emhanasyndaǵy tirkeýden avtomatty túrde shyǵarady.
Bul rette emhanalarǵa tirkelý protsesi turǵyndar úshin kúnnen-kúnge qoljetimdi bolyp kele jatqandyǵyn aita ketken jón. Endi ata-analar úshin elektrondy úkimet portaly men Telegram-bot egov.kz. arqyly óz balalaryn tirkeý múmkindigi paida boldy.
«Portal arqyly qyzmet alý úshin egov.kz-te tirkelý jáne elektrondy tsifrlyq qoltańbanyń bolýy jetkilikti. Bul jerde atalǵan qyzmet túri boiynsha 2007 jyldan bergi týylǵan balalardy tirkeýge bolatyndyǵyn aita ketken jón»- dep N.Qabdyqaparov eskertip ótti. Egov.kz portalynyń «Bastapqy meditsinalyq-sanitarlyq kómek kórsetetin meditsinalyq uiymǵa tirkelý» bóliminde balaǵa qyzmet kórsetý komandasyn tańdap, onyń jeke sáikestendirý nómirin (JSN) engizý qajet. Týystyq bailanysty tekserý úshin suraý salý AHAJ-ǵa baǵyttalady. Málimet rastalǵannan keiin tizimnen bastapqy meditsinalyq-sanitarlyq kómek uiymyn (BMSKU) tańdap, suranymdy toltyrýǵa bolady. Óńdelgen suranym sizdiń Jeke kabinetińizge jiberiledi.
Eger sizdiń uialy telefonyńyzda Telegram messendjeri ornatylǵan bolsa, atalǵan qyzmetti https://t.me/EgovKzBo siltemesine ótip, Telegram-bot arqyly alýǵa bolady. Ol úshin telefon nómirińiz elektrondy portaldyń profiline bekitilýi tiis. Elektrondy tsifrly qoltańbanyń bolýy mindetti. Tirkeý kezeńderiniń barlyǵynan ótkennen keiin, tirkelýge onlain-suranym toltyrylady. Astana qalasy boiynsha bastapqy meditsinalyq-sanitarlyq kómek kórsetetin meditsinalyq uiymdardyń tizimi Áleýmettik meditsinalyq saqtandyrý qorynyń fms.kz saityndaǵy «Klinikany tańdaý» bóliminde ornalastyrylǵan. Suranymdy rásimdeý kezinde qandai da bir kedergiler týyndaǵan jaǵdaida, 1414 Biryńǵai bailanys ortalyǵyna habarlasýǵa bolady.
Tirkeý naýqany 2018 jyldyń 15 qarashasyna deiin jalǵasady. Erejege sai emhanaǵa jylyna bir ret tirkelýge bolady. Biraq bul ýaqytsha nemese turaqty tirkeýin qaita rásimdegen nemese qalanyń basqa aýdanyna kóship kelgen azamattarǵa qatysty emes. Emhanaǵa tirkelý merzimi shektelmegen, meditsinalyq qyzmetti jyldan jylǵa bir jerde alý úshin bir ret ótinish rásimdeý jetkilikti.
.jpeg)