Densaýlyq saqtaý ministri Eljan Birtanov óz vedomstvosynyń synǵa alynýyn qalypty jaǵdai sanaitynyn aitty, - dep habarlaidy Tengrinews.kz tilshisi.
"Aitylǵan synǵa keler bolsaq, biz jalpy kez kelgen synǵa qalypty qaraimyz - áriptesterimiz, onyń ishinde Tamara Qasymqyzy da bar, biz bir komandada jumys isteimiz. Menińshe, bul qalypty jaǵdai, bir-birimizge suraqtar qoiyp, oǵan jaýap beremiz", - dedi Eljan Birtanov Tamara Dúisenovanyń aitqan synyna.
Osyǵan deiin Tamara Dúisenova Densaýlyq saqtaý ministrliginiń jumysyn synǵa alǵan bolatyn. Onyń aitýynsha, elimizde meningit problemasy vedomstvonyń jumysyn tolyq atqara almaǵandyǵynan bolyp otyr.
Eske sala keteiik, keshe túnde ministr Eljan Birtanov Almatydaǵy Jekenov atyndaǵy klinikalyq juqpaly aýrýlar aýrýhanasyna barǵan bolatyn. Ministr dárgirerlermen jumysyna tekseris júrgizip, áńgimelesip qaitty. Sondai-aq, Eljan Birtanov Talǵar aýdandyq aýrýhanǵasyna barǵan.
