Shymkent qalasyna jumys sapary barysynda QR Densaýlyq saqtaý ministri Eljan Birtanov kúrdeli jóndeý júrgizilip jatqan perzenthana jumysymen tanysty, dep habarlandy ministrliktiń Facebook paraqshasynda.
Perzenthananyń 6 korpýsynda jóndeý jumystary josparlanǵan. Qazirgi ýaqytta 2 korpýsta jumystar aiaqtaldy. Meditsinalyq uiymda ǵimarattyń materialdyq-tehnikalyq jaǵdaiy 100 paiyz jańartylady dep kútilýde. Basty maqsat – óńirdegi analar men balalarǵa kórsetiletin meditsinalyq kómektiń sapasyn jaqsartý. Klinikada jylyna orta eseppen 9 myń anany bosandyryp alsa, endi jóndeý jumystary aiaqtalǵannan keiin meditsina qyzmetkerleri jylyna 10 myńnan astam júkti áieldi qabyldai alady.
Densaýlyq saqtaý ministrligi habarlaǵandai, kezdesý barysynda ministr meditsinalyq mekemeni osy salanyń qajetti mamandarymen qamtamasyz etý deńgeiine qyzyǵýshylyq tanytty. Sonymen qatar ol shuǵyl meditsinalyq kómek kórsetetin reanimatolog, hirýrg, akýsher-ginekolog siiaqty mamandarǵa memleket tarapynan birinshi kezekte qoldaý kórsetilýi kerek ekenin atap ótti. Bul týraly Halyq densaýlyǵy týraly kodeks jobasynda jazylǵan.
«Memleket basshysy ásirese qylmystyq jaýapkershilik týraly máseleni muqiiat talqylap, sheshýdi tapsyrdy. Olar qajet bolǵan kezde qýdalanýy múmkin, normalar men álemdik talaptar bar. Biraq biz, eń aldymen, reanimatologterdi, hirýrgterdi, ginekologterdi qorǵaýymyz kerek. Bul – eń kóp suranysqa ie mamandyq biri. Túrli jaǵdailar bolady, mysaly, jaǵdaiy aýyr naýqas reanimatsiiada qaitys bolýy múmkin, reanimatologter kináli bolyp shyǵady, olar naýqastyń ómirin saqtap qalýǵa tyrysty. Sońynda olardy sotqa beredi. Munyń bári elde suranysqa ie kadrlardyń tapshylyǵyna ákeledi», - dep atap ótti E.Birtanov.
