شىمكەنت قالاسىنا جۇمىس ساپارى بارىسىندا قر دەنساۋلىق ساقتاۋ مينيسترٸ ەلجان بٸرتانوۆ كٷردەلٸ جٶندەۋ جٷرگٸزٸلٸپ جاتقان پەرزەنتحانا جۇمىسىمەن تانىستى, دەپ حابارلاندى مينيسترلٸكتٸڭ Facebook پاراقشاسىندا.
پەرزەنتحانانىڭ 6 كورپۋسىندا جٶندەۋ جۇمىستارى جوسپارلانعان. قازٸرگٸ ۋاقىتتا 2 كورپۋستا جۇمىستار اياقتالدى. مەديتسينالىق ۇيىمدا عيماراتتىڭ ماتەريالدىق-تەحنيكالىق جاعدايى 100 پايىز جاڭارتىلادى دەپ كٷتٸلۋدە. باستى ماقسات – ٶڭٸردەگٸ انالار مەن بالالارعا كٶرسەتٸلەتٸن مەديتسينالىق كٶمەكتٸڭ ساپاسىن جاقسارتۋ. كلينيكادا جىلىنا ورتا ەسەپپەن 9 مىڭ انانى بوساندىرىپ السا, ەندٸ جٶندەۋ جۇمىستارى اياقتالعاننان كەيٸن مەديتسينا قىزمەتكەرلەرٸ جىلىنا 10 مىڭنان استام جٷكتٸ ەيەلدٸ قابىلداي الادى.
دەنساۋلىق ساقتاۋ مينيسترلٸگٸ حابارلاعانداي, كەزدەسۋ بارىسىندا مينيستر مەديتسينالىق مەكەمەنٸ وسى سالانىڭ قاجەتتٸ ماماندارىمەن قامتاماسىز ەتۋ دەڭگەيٸنە قىزىعۋشىلىق تانىتتى. سونىمەن قاتار ول شۇعىل مەديتسينالىق كٶمەك كٶرسەتەتٸن رەانيماتولوگ, حيرۋرگ, اكۋشەر-گينەكولوگ سيياقتى ماماندارعا مەملەكەت تاراپىنان بٸرٸنشٸ كەزەكتە قولداۋ كٶرسەتٸلۋٸ كەرەك ەكەنٸن اتاپ ٶتتٸ. بۇل تۋرالى حالىق دەنساۋلىعى تۋرالى كودەكس جوباسىندا جازىلعان.
«مەملەكەت باسشىسى ەسٸرەسە قىلمىستىق جاۋاپكەرشٸلٸك تۋرالى مەسەلەنٸ مۇقييات تالقىلاپ, شەشۋدٸ تاپسىردى. ولار قاجەت بولعان كەزدە قۋدالانۋى مٷمكٸن, نورمالار مەن ەلەمدٸك تالاپتار بار. بٸراق بٸز, ەڭ الدىمەن, رەانيماتولوگتەردٸ, حيرۋرگتەردٸ, گينەكولوگتەردٸ قورعاۋىمىز كەرەك. بۇل – ەڭ كٶپ سۇرانىسقا يە ماماندىق بٸرٸ. تٷرلٸ جاعدايلار بولادى, مىسالى, جاعدايى اۋىر ناۋقاس رەانيماتسييادا قايتىس بولۋى مٷمكٸن, رەانيماتولوگتەر كٸنەلٸ بولىپ شىعادى, ولار ناۋقاستىڭ ٶمٸرٸن ساقتاپ قالۋعا تىرىستى. سوڭىندا ولاردى سوتقا بەرەدٸ. مۇنىڭ بەرٸ ەلدە سۇرانىسقا يە كادرلاردىڭ تاپشىلىعىنا ەكەلەدٸ», - دەپ اتاپ ٶتتٸ ە.بٸرتانوۆ.
