QR Densaýlyq saqtaý ministri Eljan Birtanov koronavirýs infektsiiasynyń kelýi týraly boljamdarǵa pikir bildirdi, dep habarlaidy "Ult aqparat".
«Qurmetti dostar! Álem boiynsha koronavirýs infektsiiasy 115 elge taraldy. Olardyń arasynda bizge kórshiles memleketter jáne tikelei áýe qatynastaryn ornatqan elder de bar. Sonymen birge, bárimiz syrtqy álemnen tolyq oqshaýlanýdyń múmkin emestigin túsinemiz. Elimizdiń aýmaǵyna infektsiianyń enýi yqtimal ekenin de joqqa shyǵarmaimyz», - dep jazdy ministr Facebook-tegi paraqshasynda.
Alaida, QR Úkimeti koronavirýs infektsiiasyn elge kirgizbeý men taratpaý úshin airyqsha sharalar qabyldaýda.
«Búgingi tańda Qazaqstanda aýrýdyń rastalǵan birde-bir jaǵdaiy tirkelgen joq! QR Bas memlekettik sanitarlyq dárigeri J.M.Bekshinniń koronavirýs infektsiiasynyń kelýi týraly boljamy – bizdiń ǵalymdardyń statistikalyq modeldeý arqyly jasaǵan boljamy ǵana.
Bastapqy derekter retinde álemniń túrli elderinde jolaýshylar tasymaly men koronavirýs infektsiiasynyń taralý kólemi alyndy. Túrli syrtqy faktorlardy eskere otyryp, derekterdiń únemi ózgerip otyratyndyǵyn atap ótken jón. Máselen, bedeldi Lantset jýrnalynda koronavirýstyń Qytaidan álemdik megapolisterge taralýy týraly uqsas boljam jasaldy», - deidi E. Birtanov.
Sonymen birge, ministr bizdiń ǵalymdar usynǵan stsenariidiń iske aspaýy da múmkin ekenin eskertti.
«Taǵy da málimdeimin, Qazaqstanda búgingi kúnge deiin koronavirýstyq infektsiia rastalǵan joq», - dedi Eljan Birtanov.
Buǵan deiin QR bas sanitar dárigeri Jandarbek Bekshin naýryz aiynyń 11-16 aralyǵynda Qazaqstanda koronavirýs tirkelýi múmkin ekenin aitty.
