QR Densaýlyq saqtaý ministri Eljan Birtanov Facebook-tegi paraqshasynda áleýmetti jeli arqyly patsientterge barynsha sypaiy bolýdy ótingen aqtaýlyq dárigerdi qoldap jazba qaldyrdy, dep habarlaidy "Ult aqparat".
Atalǵan dárigerdiń meditsina qyzmetkerleriniń aýyr jumysyna túsinistikpen qaraýdy ótingen jazbasy Instagram-daǵy qalalyq pablikterdiń birinde jariialanǵan edi.
«Qymbatty áriptes, sizdiń jazbańyzdy oqyp, qiyn bolǵanymen adamdar úshin óte qajetti jumysta kásibińizge degen adaldyǵyńyz úshin rizashylyq bildirgim keledi. Ózim de bilemin, keibir patsientterdiń sózderi men áreketi óte aýyr ári kóńilge qaiaý túsiretindigi bar. Degenmen sizdiń qatigezdik pen ashý tanytpastan meditsinadaǵy jumysyńyzdy jalǵastyratyndyǵyńyzǵa senimdimin. Óitkeni siz óz mamandyǵyńyzǵa jan-tánińizben berilgensiz. Demek, siz bizdiń meditsina barlyq ýaqytta qajetsinetin, barlyq ýaqytta adamdarǵa qajet mamansyz. Sizge shydamdylyq, eń bastysy myqty densaýlyq tileimin. Ózińizdi, áriptesterińizdi saqtańyz. Siz adamdarǵa qajetsiz», - dep jazdy Densaýlyq saqtaý ministri.
