QR Adam quqyqtary jónindegi ýákil Elvira Ázimova Almatydaǵy jappai tártipsizdikter kezinde joǵalyp ketken turǵyndar týraly pikir bildirdi, dep habarlaidy QazAqparat.
«Áleýmettik jelide joǵalǵan azamattar týraly habarlamalar bar. Olardyń qatarynda meditsinalyq mekemelerge kelgen nemese ustalǵandardyń qatarynda bolǵan adamdar da bar», - dedi Elvira Ázimova Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, Ishki ister ministrliginiń resmi bólimsheleri men Bas prokýratýranyń resmi ókilderi munyń sebebin aqparattyq júielerdiń isten shyǵýynan dep túsindirgen.
«Tiisinshe, ustalǵandardyń jeke basyn anyqtaý úshin ýaqyt ádettegiden kóp jumsaldy. Almaty men Nur-Sultandaǵy arnaiy mekemelerge barý kórsetkendei, tártipsizdik kúnderi aqparattyq júieniń isten shyǵýyna bailanysty ustalǵan kóptegen adamnyń jeke basyn kýálandyratyn qujattary bolmaǵan jáne olardyń týystaryna jappai tártipsizdiktiń alǵashqy kúnderi habar berilmegen», - dep túsindirdi Elvira Ázimova.
