QR Adam quqyqtary jónindegi ýákil Elvira Ázimova eldegi tártipsizdikter kezinde ustalǵan azamattar týraly baspasóz máslihatyn ótkizdi, dep habarlaidy QazAqparat.
«Adam ómiri joǵary qundylyq bolyp, Konstitýtsiianyń sheńberinde eń negizgi ózgermeitin talap bolyp tabylady. Sondyqtan, qańtar aiynyń basynda elimizde bolǵan qaiǵyly oqiǵalar Qazaqstan men álemdik qaýymdystyqty dúr silkindirdi. Sonymen birge, lańkesterdiń qurbandary – áskeri qyzmetshiler men politsiia qyzmetkerleri ǵana emes, sonymen birge beibit turǵyndar qaza boldy. Osyǵan bailanysty óz atymnan, ulttyq aldyn alý tetigine qatysýshylar atynan qaza bolǵandardyń týystary men jaqyndaryna qaiǵyryp kóńil aitamyn. Al zardap shekken azamattar tez saýyǵyp ketsin!», - dedi Ázimova Ortalyq kommýnikatsiialar qyzmetinde ótken biýaspasóz máslihatynda.
Óz sózinde spiker bolǵan oqiǵa árqaisymyz úshin sabaq bolýy kerektigin aitty.
«Eldegi tynyshtyq pen beibitshilik, tártip pen zańdylyq, zań shyǵarýshy jáne atqarýshy bilikke ǵana emes, qazaqstannyń árbir azamatyna da bailanysty. Bul bizdiń azamattyq jaýapkershiligimiz. Sonymen birge, QR Prezidenti ustalǵan azamattarǵa naqty aitty, aýyr qylmys jasaǵan adamdar zańǵa sáikes qatań jazaǵa tartylady. Al basqalardyń kinásin Bas prokýratýra anyqtap, tekserip, aýyrlatatyn mán-jailardy eskerip, jazany jeńildetý jónindegi sharalar qabyldaidy. Kinásiz adamdar árine bosatylady», - dedi Ázimova.
Onyń aitýynsha, negizgi mindet – terrorister men tonaýshylardy jáne beibit mitingke qatysýshylardy naqty ajyratý.
«Ókinishke orai, biz ýaqytsha ustaý izoliatorlaryna barǵanda keibir azamattarmen suhbattastyq. Sol suhbatta «Biz óz azamattyq jaýapkershiligimizdi sońyna deiin sezbedik. Biz Qazaqstan halqynan keshirim suraýǵa daiynbyz» degen sózder aityldy. Mysaly Almatyda tergeý izoliatoryna barǵanda azamattardyń kópshiligi qarapaiym adamdar ekeni, kóbisi urlyq úshin ustalǵany anyqtaldy. Sol úshin olarǵa naqty nazar aýdarý kerek. Bul Bas prokýratýra men jergilikti territoriialardyń mindettemesi.
Bul kúnderi biz azamattyq qoǵam ókilderimen birge ustalǵandar ornalasqan mekemelerge barýdy jalǵastyryp jatyrmyz. Birneshe kún ishinde biz 11 óńirde osyndai 34 mekemege bardyq. Mundai preventivti barýdy jalǵastyramyz. Sebebi bizge de ol kerek. Sondyqtan prokýratýra qatigezdik týraly barlyq signaldardy tekserip, olarǵa quqyqtyq baǵa berý kerek jáne berilgen nátijesin jariialaýy kerek. Bul jumysty formaldy túrde júrgizbeý kerek, munadji tásil ashyqtyq pen beitaraptyq kepili bolyp tabylady», - dedi Elvira Ázimova.
