Qazaqstandaǵy adam quqyqtary jónindegi ýákil Elvira qamaýda otyrǵandardyń qanshasy jaraqatyn mekeme ishinde emdetip jatqanyn málim etti, dep habarlaidy QazAqparat.
«Búginde tergeýdiń ruqsat etilmegen tásilderi men adam quqytaryn buzý týraly 191 qylmystyq is qozǵaldy. Salystyrý úshin aitsaq, 25 qańtarda Bas Prokýratýranyń málimeti boiynsha atalmysh sanattaǵy 21 is tergelip jatqany aityldy. Bizge bul qylmystyq isterdiń bári azamattarǵa taǵylǵan aiyptar boiynsha negizgi sot protsesi bastalǵana deiin aiaqtalǵany mańyzdy. Óitkeni zańda azaptaý arqyly alynǵan dálelder jaramsyz ekendigi aiqyn aitylǵan», - degen quqyqqorǵaýshy ustalǵandardyń densaýlyǵy týraly qolyndaǵy málimetterdi bólisti.
«Jabyq mekemelerde jaralanǵandar men soqqyǵa jyǵylǵandardyń kóp ekenin týraly málimetterge bailanysty mynany aitqym keledi. Mundai málimetterdiń tolassyz aǵylǵan kezi 8 qańtardan keiingi alǵashqy aptaǵa sáikes keledi. Búginde qamaýdaǵy azamattardyń ishinde túrli dárejede jaraqat alǵan 55 adam bar. 8 adam synyq jaraqatyn alsa, 213 adamnyń denesinde kógerý bar. Qazir olardyń bári mekeme ishinde meditsinalyq kómek alyp jatyr», - dedi ol «Habar 24» arnasynda ótken brifingide.
