Qazaqstannyń Reseidegi Elshiligi Ýkrainadan elimizge kele jatqan júk kólikteriniń júrgizýshilerine kómektesti, dep habarlaidy QazAqparat QR Syrtqy ister ministrligine silteme jasap.
Ýkraina aýmaǵynda bastalǵan áskeri shieleniske bailanysty qazaqstandyq alysqa qatynaityn kólik júrgizýshileri qiyn jaǵdaiǵa tap boldy.
«Ýkrainadan Qazaqstanǵa kele jatqan 10 júk kóligin Resei shekarashylary Briansk oblysyndaǵy Troebortnoe ótkizý pýnkti aýmaǵynda toqtatty. Belgili sebeptermen olardyń keri qaitýǵa múmkindikteri bolmaǵan.
Logistikalyq qaqpanǵa 11 júrgizýshi túsip qaldy: olardyń jeteýi Qazaqstan azamattary, taǵy tórteýi basqa memleketterdiń azamattary», - delingen SIM habarlamasynda.
Málim etilgendei, júrgizýshiler Qazaqstannyń Reseidegi Elshiliginiń jedel jelisine habarlasyp, kómek suraǵan.
«Diplomattardyń Reseidiń quzyretti organdarymen júrgizgen kelissózderiniń nátijesinde kólikterdi ótkizý máselesi sheshildi. Qazirgi ýaqytta júk kólikteri Qazaqstanǵa jolǵa shyqty», - dedi syrtqy saiasat vedomstvosynan.
QR Syrtqy ister ministrligi Qazaqstan azamattaryn Ýkrainadan elimizge oralýyn uiymdastyrý boiynsha jumysty jalǵastyrýda.
