قازاقستاننىڭ رەسەيدەگٸ ەلشٸلٸگٸ ۋكراينادان ەلٸمٸزگە كەلە جاتقان جٷك كٶلٸكتەرٸنٸڭ جٷرگٸزۋشٸلەرٸنە كٶمەكتەستٸ, دەپ حابارلايدى قازاقپارات قر سىرتقى ٸستەر مينيسترلٸگٸنە سٸلتەمە جاساپ.
ۋكراينا اۋماعىندا باستالعان ەسكەري شيەلەنٸسكە بايلانىستى قازاقستاندىق الىسقا قاتىنايتىن كٶلٸك جٷرگٸزۋشٸلەرٸ قيىن جاعدايعا تاپ بولدى.
«ۋكراينادان قازاقستانعا كەلە جاتقان 10 جٷك كٶلٸگٸن رەسەي شەكاراشىلارى بريانسك وبلىسىنداعى تروەبورتنوە ٶتكٸزۋ پۋنكتٸ اۋماعىندا توقتاتتى. بەلگٸلٸ سەبەپتەرمەن ولاردىڭ كەرٸ قايتۋعا مٷمكٸندٸكتەرٸ بولماعان.
لوگيستيكالىق قاقپانعا 11 جٷرگٸزۋشٸ تٷسٸپ قالدى: ولاردىڭ جەتەۋٸ قازاقستان ازاماتتارى, تاعى تٶرتەۋٸ باسقا مەملەكەتتەردٸڭ ازاماتتارى», - دەلٸنگەن سٸم حابارلاماسىندا.
مەلٸم ەتٸلگەندەي, جٷرگٸزۋشٸلەر قازاقستاننىڭ رەسەيدەگٸ ەلشٸلٸگٸنٸڭ جەدەل جەلٸسٸنە حابارلاسىپ, كٶمەك سۇراعان.
«ديپلوماتتاردىڭ رەسەيدٸڭ قۇزىرەتتٸ ورگاندارىمەن جٷرگٸزگەن كەلٸسسٶزدەرٸنٸڭ نەتيجەسٸندە كٶلٸكتەردٸ ٶتكٸزۋ مەسەلەسٸ شەشٸلدٸ. قازٸرگٸ ۋاقىتتا جٷك كٶلٸكتەرٸ قازاقستانعا جولعا شىقتى», - دەدٸ سىرتقى ساياسات ۆەدومستۆوسىنان.
قر سىرتقى ٸستەر مينيسترلٸگٸ قازاقستان ازاماتتارىن ۋكراينادان ەلٸمٸزگە ورالۋىن ۇيىمداستىرۋ بويىنشا جۇمىستى جالعاستىرۋدا.
