Qazaqstannyń Ýkrainadaǵy elshiligi Odessa jáne Harkov oblystaryndaǵy shielenistiń kúsheiýine jáne turaqsyz jaǵdaiǵa bailanysty qazaqstandyqtarǵa atalǵan aimaqtardan ketýdi usynady.
Bul týraly aqparat elshiliktiń Telegram arnasynda jariialandy.
"Ýkrainadan Qazaqstanǵa barý úshin Qazaqstan Respýblikasynyń azamattary Polsha nemese Moldova arqyly ótetin eki jerústi baǵytty, sonymen qatar kommertsiialyq reisterdi paidalana alatynyn atap ótemiz. Polsha arqyly ketken jaǵdaida qazaqstandyqtarda shengen vizasy bolýy kerek, Moldovaǵa kirý úshin viza qajet emes", - delingen habarlamada.
Sondai-aq elshilik azamattardy áýe shabýyly týraly eskertýlerge mán berýge jáne dereý qaýipsiz jerdi panalaýǵa shaqyrdy.
Qazaqstannyń Ýkrainadaǵy elshiligi Qazaqstan azamattary úshin jedel telefon nómirlerin jariialady:
Elshiliktiń konsýldyq bóliminiń bailanys telefondary: +38(044) 4831596, +38(044) 4891031
Qazaqstan azamattaryna arnalǵan senim telefony (tótenshe jaǵdaida): +380673470408
