Foto: kz.vesti.news
Túrkiia Syrtqy ister ministri Mevliýt Chavýshoǵlyna Qazaqstan basshylyǵy men qazaq halqy atynan elde oryn alǵan jer silkinisinen qaza tapqandarǵa kóńil aityldy, dep habarlaidy QazAqparat agenttigi.
Qazaqstannyń Túrkiiadaǵy Elshisi Erkebulan Sápiev pen Tótenshe jaǵdailar birinshi vitse-ministri Ibragim Qulshymbaev Túrkiianyń Syrtqy ister ministri Mevliýt Chavýshoǵlyna jáne barsha túrik halqyna kóńil aitty.
Taraptardyń áńgimelesýi barysynda tabiǵi apat oryn alǵan alǵashqy kúnnen bastap Qazaqstannyń Túrkiiaǵa jan-jaqty kómek kórsetip jatqany aityldy.
Qazaqstandyq qutqarýshylar men diplomattar táýlik boiy jumys istep jatyr.
Tabiǵi apat bolǵan aimaqqa gýmanitarlyq kómek pen adamdarǵa qajetti ózge de zattar ýaqytyly jetkizilý ústinde.
Óz kezeginde túrik ministri Túrkiianyń barsha turǵyndary atynan baýyrlas qazaq halqyna qiyn-qystaý sátte kórsetken kómegi úshin rizashylyǵyn bildirdi.
«Eki el arasyndaǵy qarym-qatynas shynymen de baýyrlastyqqa qurylǵan. Oǵan dál osy qiyn sátte kózimiz jetip otyr», - dedi Mevliýt Chavshoǵly.
Kezdesý Gaziantep qalasynyń áýejaiynda boldy. Dál osy áýejaiǵa Qazaqstannan gýmanitarlyq júk tielgen arnaýly bort kelip qonǵan edi.
Gýmanitarlyq júk Memleket basshysynyń tapsyrmasymen búgin tańerteń Túrkiiaǵa jóneltilgen bolatyn. Kómektiń jalpy kólemi - 55 tonna.
Qazaqstannan jetkizilgen gýmanitarlyq júk eń birinshi kezekte qajetti zattar bolǵandyqtan áýejaidan birden Kahramanmarashqa jiberildi.
Bul óńirde adamdar baspanasyz qalyp, kómekke muqtaj bolyp otyr.
Júktiń ishinde joiqyn zilzaladan zardap shekkenderge kómek kórsetýge arnalǵan shatyrlar, jylytqyshtar, jyly kiimder jáne basqa da qajetti zattar bar.
