فوتو: kz.vesti.news
تٷركييا سىرتقى ٸستەر مينيسترٸ مەۆليۋت چاۆۋشوعلىنا قازاقستان باسشىلىعى مەن قازاق حالقى اتىنان ەلدە ورىن العان جەر سٸلكٸنٸسٸنەن قازا تاپقاندارعا كٶڭٸل ايتىلدى, دەپ حابارلايدى قازاقپارات اگەنتتٸگٸ.
قازاقستاننىڭ تٷركيياداعى ەلشٸسٸ ەركەبۇلان سەپيەۆ پەن تٶتەنشە جاعدايلار بٸرٸنشٸ ۆيتسە-مينيسترٸ يبراگيم قۇلشىمباەۆ تٷركييانىڭ سىرتقى ٸستەر مينيسترٸ مەۆليۋت چاۆۋشوعلىنا جەنە بارشا تٷرٸك حالقىنا كٶڭٸل ايتتى.
تاراپتاردىڭ ەڭگٸمەلەسۋٸ بارىسىندا تابيعي اپات ورىن العان العاشقى كٷننەن باستاپ قازاقستاننىڭ تٷركيياعا جان-جاقتى كٶمەك كٶرسەتٸپ جاتقانى ايتىلدى.
قازاقستاندىق قۇتقارۋشىلار مەن ديپلوماتتار تەۋلٸك بويى جۇمىس ٸستەپ جاتىر.
تابيعي اپات بولعان ايماققا گۋمانيتارلىق كٶمەك پەن ادامدارعا قاجەتتٸ ٶزگە دە زاتتار ۋاقىتىلى جەتكٸزٸلۋ ٷستٸندە.
ٶز كەزەگٸندە تٷرٸك مينيسترٸ تٷركييانىڭ بارشا تۇرعىندارى اتىنان باۋىرلاس قازاق حالقىنا قيىن-قىستاۋ سەتتە كٶرسەتكەن كٶمەگٸ ٷشٸن ريزاشىلىعىن بٸلدٸردٸ.
«ەكٸ ەل اراسىنداعى قارىم-قاتىناس شىنىمەن دە باۋىرلاستىققا قۇرىلعان. وعان دەل وسى قيىن سەتتە كٶزٸمٸز جەتٸپ وتىر», - دەدٸ مەۆليۋت چاۆشوعلى.
كەزدەسۋ گازيانتەپ قالاسىنىڭ ەۋەجايىندا بولدى. دەل وسى ەۋەجايعا قازاقستاننان گۋمانيتارلىق جٷك تيەلگەن ارناۋلى بورت كەلٸپ قونعان ەدٸ.
گۋمانيتارلىق جٷك مەملەكەت باسشىسىنىڭ تاپسىرماسىمەن بٷگٸن تاڭەرتەڭ تٷركيياعا جٶنەلتٸلگەن بولاتىن. كٶمەكتٸڭ جالپى كٶلەمٸ - 55 توننا.
قازاقستاننان جەتكٸزٸلگەن گۋمانيتارلىق جٷك ەڭ بٸرٸنشٸ كەزەكتە قاجەتتٸ زاتتار بولعاندىقتان ەۋەجايدان بٸردەن كاحرامانماراشقا جٸبەرٸلدٸ.
بۇل ٶڭٸردە ادامدار باسپاناسىز قالىپ, كٶمەككە مۇقتاج بولىپ وتىر.
جٷكتٸڭ ٸشٸندە جويقىن زٸلزالادان زارداپ شەككەندەرگە كٶمەك كٶرسەتۋگە ارنالعان شاتىرلار, جىلىتقىشتار, جىلى كيٸمدەر جەنە باسقا دا قاجەتتٸ زاتتار بار.
