Elordanyń Jumyspen qamtý ortalyǵynyń birqatar qyzmet túrin onlain alýǵa bolady. Bul jaiynda Nur-Sultan qalasy ákiminiń orynbasary Malika Bekturova Telegram paraqshasynda jazdy, dep habarlaidy "Ult aqparat".
«Endi qala ákimdiginiń elektrondyq qyzmetter portalynda https://ns.gov.kz/ kelesi qyzmetter qol jetimdi boldy: sanatorlyq-kýrorttyq emdelýge muqtajdyǵy týraly qorytyndy berý; memlekettik ataýly áleýmettik kómek taǵaiyndaý; úide kútim jasaý jaǵdaiynda arnaýly áleýmettik qyzmetter kórsetý úshin qujattardy rásimdeý; meditsinalyq-áleýmettik mekemelerde arnaýly áleýmettik qyzmet kórsetýge qujattardy resimdeý; múgedekterge protezdik-ortopediialyq kómek kórsetý úshin qujattardy rásimdeý; múgedekterdi kreslo-arbalarymen qamtamasyz etý», - dedi qala ákiminiń orynbasary.
Onyń atap ótýinshe, onlain platformaǵa kóshý qaǵaz qujat ainalymyn qysqartady jáne qazirgi jaǵdaida adamnyń adammen bailanysyn azaitady.
Nur-sultan qalasynyń ákimdiginde barlyǵy 160 qyzmet túrine jaýap alýǵa bolady. Olardyń 83 paiyzy avtomattandyrylǵan.
