2021 jylǵy 5 mamyr men 24 maýsym aralyǵynda elordadaǵy joǵary bilikti dárigerler óńirlerge saparmen baryp, jergilikti mamandarǵa tájiribelik jáne ádistemelik-konsýltatsiialyq kómek kórsetedi, dep habarlaidy "Ult aqparat".
«UMC» korporativtik qorynyń málimetinshe, olar joǵary mamandandyrylǵan kómekke muqtaj naýqastardy qabyldaidy. Sheberlik sabaqtaryn ótkizip, jergilikti emdeý mekemelerinde kúrdeli operatsiialar jasaidy. Jalpy, is-sharanyń maqsaty – óńirlik densaýlyq saqtaý júiesin damytý arqyly otandyq meditsinanyń sapasyn arttyrý jáne joǵary mamandandyrylǵan kómektiń turǵyndarǵa qoljetimdiligin arttyrý.
«UMC» KQ-nyń «Áielder densaýlyǵy» departamentiniń direktory, meditsina ǵylymdarynyń doktory, profesor, akýsher-ginekolog Gaýri Bapaeva, «Hirýrgiia» departamentiniń direktory, meditsina ǵylymdarynyń doktory, balalar hirýrgy Damir Djenalaev, Ortopediia bóliminiń jetekshisi, meditsina ǵylymdarynyń kandidaty, shtattan tys bas balalar ortopedy Bolat Naǵymanov, Revmatologiia baǵdarlamasynyń jetekshisi, meditsina ǵylymdarynyń kandidaty, pediatr Maikesh Asylbekova, onkogematologiia baǵytynyń jetekshisi, meditsina ǵylymdarynyń kandidaty, onkolog Zabira Qyzdarbekova siiaqty joǵary bilikti mamandar kiretin «UMC» KQ-nyń alǵashqy dárigerler toby 2021 jylǵy 5 mamyrda Nur-Sultan qalasynda naýqastardy qabyldaidy.
Ary qarai óz salasynyń maitalman mamandarynan jasaqtalatyn «UMC» KQ dárigerler toby mamyrdyń 12-14 kúnderi Atyraý oblysyna, 19-21 mamyrda Aqtóbe oblysyna, 26-28 mamyr kúnderi Mańǵystaý oblysyna, maýsym aiynyń 1-3 kúnderi Aqmola oblysyna, 2-4 maýsymda Batys Qazaqstan oblysyna, 8-10 maýsymda Pavlodar oblysyna, maýsymnyń 9-11 kúnderi Soltústik Qazaqstan oblysyna, 16-18 maýsym kúnderi Qostanai oblysyna, 23-24 maýsymda Túrkistan oblysy men Shymkent qalalaryna barady.
Osyndai saparlardyń nátijesinde óńirlik dárigerler óz salalary boiynsha ozyq tehnologiialardy meńgerip, túrli aýrýlarǵa qarsy kúresti tiimdi júrgizip, turǵyndarǵa kórsetiletin meditsinalyq kómektiń sapasy men qoljetimdiligi arta túsedi.
