QR Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamenti alty aidyń ishinde 7,4 mlrd. teńgeni úkimetke qaitardy.
Bul týraly Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamentiniń basshysy Nurlan Qydyrbaev «Antikor.Live» jobasy aiasyndaǵy onlain brifingte aitty, dep habarlaidy QazAqparat.
«Alty aidyń qorytyndysy boiynsha, 7,4 mlrd. teńgeni úkimetke qaitardyq. Bul - óte úlken kórsetkish. Áýejai, aýyl sharýashylyǵyna qatysty qylmystar tolyq moiyndalyp, aqsha qaitarylǵannan keiin qylmystyq is qysqartyldy. Budan ózge de qylmystar boiynsha taǵy 8 mln teńge biýdjetke qaitaryldy», - deidi Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamentiniń basshysy Nurlan Qydyrbaev.
Ol «Sapaly jol» jobasy boiynsha ákimdik, jol jóndeýshiler jáne qoǵam belsendilerimen jumys istep jatqandaryn aitty.
«Qoǵam belsendileri bizben birge joldyń sapasyn tekserip, áleýmettik jelilerge jazyp jatyr. Olardyń arqasynda kóp jumys atqarylýda», - deidi ol.
