Elordanyń «Jaǵalaý» shaǵyn aýdanynda úlken oiyn-saýyq kesheni salynady. Bul týraly Nur-Sultan qalasy Esil aýdanynyń ákimi Berik Jákenov aitty, dep habarlaidy "Ult aqparat".
Facebook-tegi Astananyń adaldyq alańy paraqshasynda ótken onlain brifing barysynda aýdan ákimi «Jaǵalaý» shaǵyn aýdanynan bastaý alatyn Shyńǵys Aitmatov kóshesiniń jalǵasy qashan salynyp bitetinin aitty.
«Uly dala dańǵylyna deiin sozylatyn Shyǵys Aitmatov kóshesiniń merdigeri - Qulager kompaniiasy. Olar osy qurylys maýsymynda jumysty aiaqtaýy tiis. Sebebi atalǵan aýmaqqa iri investor keletin bolady», - dedi ol.
Sonymen qatar ol «Jaǵalaý» shaǵyn aýdany, Shyńǵys Aitmatov kóshesiniń boiy qaladaǵy tirshiligi qaýyrt jaqsy aimaqtyń birine ainalatyndyǵyn aitty.
«Komissiia quramynda bolǵan edim. Investorlar ol jerde úlken oiyn-saýyq ortalyǵyn salǵylary keledi. Turǵyndar da sol jerge qoǵamdyq keńes ornalastyrýǵa qoldaý kórsetip otyr. Jaqsy oiyn-saýyq kesheni salynady», - dedi Berik Jákenov.
