ەلوردانىڭ «جاعالاۋ» شاعىن اۋدانىندا ٷلكەن ويىن-ساۋىق كەشەنٸ سالىنادى. بۇل تۋرالى نۇر-سۇلتان قالاسى ەسٸل اۋدانىنىڭ ەكٸمٸ بەرٸك جەكەنوۆ ايتتى, دەپ حابارلايدى "ۇلت اقپارات".
Facebook-تەگٸ استانانىڭ ادالدىق الاڭى پاراقشاسىندا ٶتكەن ونلاين بريفينگ بارىسىندا اۋدان ەكٸمٸ «جاعالاۋ» شاعىن اۋدانىنان باستاۋ الاتىن شىڭعىس ايتماتوۆ كٶشەسٸنٸڭ جالعاسى قاشان سالىنىپ بٸتەتٸنٸن ايتتى.
«ۇلى دالا داڭعىلىنا دەيٸن سوزىلاتىن شىعىس ايتماتوۆ كٶشەسٸنٸڭ مەردٸگەرٸ - قۇلاگەر كومپانيياسى. ولار وسى قۇرىلىس ماۋسىمىندا جۇمىستى اياقتاۋى تيٸس. سەبەبٸ اتالعان اۋماققا ٸرٸ ينۆەستور كەلەتٸن بولادى», - دەدٸ ول.
سونىمەن قاتار ول «جاعالاۋ» شاعىن اۋدانى, شىڭعىس ايتماتوۆ كٶشەسٸنٸڭ بويى قالاداعى تٸرشٸلٸگٸ قاۋىرت جاقسى ايماقتىڭ بٸرٸنە اينالاتىندىعىن ايتتى.
«كوميسسييا قۇرامىندا بولعان ەدٸم. ينۆەستورلار ول جەردە ٷلكەن ويىن-ساۋىق ورتالىعىن سالعىلارى كەلەدٸ. تۇرعىندار دا سول جەرگە قوعامدىق كەڭەس ورنالاستىرۋعا قولداۋ كٶرسەتٸپ وتىر. جاقسى ويىن-ساۋىق كەشەنٸ سالىنادى», - دەدٸ بەرٸك جەكەنوۆ.
