Búgin elordanyń meditsina qyzmetkerlerine syiaqy beriledi. Bul týraly Ortalyq kommýnikatsiialar qyzmetindegi brifingte Nur-Sultan qalasy ákiminiń orynbasary Baqtiiar Máken aitty, dep habarlaidy QazAqparat.
«Búginnen bastap barlyq qoǵamdyq kólikter, kásipordar men memlekettik mekemeler jumystaryn ýaqytsha toqtatty. Tótenshe jaǵdailar jónindegi memlekettik komissiianyń bul sheshimi qala turǵyndarynyń densaýlyǵyn saqtaý men koronavirýs indetiniń keńinen taralýyna jol bermeý úshin qabyldandy», - dedi ol.
Baqtiiar Máken qala ákimdigi tarapynan qolǵa alynǵan sharalarǵa toqtaldy.
«Birinshiden, elordanyń meditsina qyzmetkerleri úshin tiisti qonaq úiler men kólik berildi. Atap aitqanda, Nur-Sultan qalasynyń statsionarlarynda koronavirýs indetin juqtyrǵan nemese juqtyrǵan adamdarmen tikelei bailanysta bolǵandarmen tikelei jumys isteitin meditsina qyzmetkerleriniń qaýipsizdigi qamtamasyz etildi. Olarǵa jaǵdai jasaý úshin qonaq úiler bólindi. Qalalyq shtab ystyq tamaqpen qamtamasyz etip, City Transportation Systems kompaniiasynyń elýden astam kóligi berildi. Qalanyń emhanalary men aýrýhanalarynda jumys isteitin meditsina qyzmetkerleri úshin de tiisti arnaiy kólik uiymdastyrylǵan. Bul qyzmetterdiń barlyǵy tegin»,- dedi qala basshysynyń orynbasary.
Osy oraida ol QR Prezidenti Qasym-Jomart Toqaev sanitarlyq-epidemiologiialyq salalardaǵy joǵary júkteme jaǵdaiynda jumys isteitin meditsina qyzmetkerleri úshin qarjylyq qoldaý paketin bekitkenin eske saldy.
«Sol bastamany qolǵa alyp, búginnen bastap bizdiń barlyq meditsina mekemelerinde jumys istetin qyzmetkerlerge tiisti syiaqy beriledi. №2 qalalyq emhana táýlik boiy jumys isteidi. Bul emhana bazasynda JRVI belgileri bar patsientterdi qabyldaý úshin observatoriialyq emhana uiymdastyryldy. JRVI belgileri bar naýqastardy tek qana №2 qalalyq emhana qabyldaidy. Emhanada emdelýshilerdiń koronavirýstyq infektsiiaǵa zerthanalyq-diagnostikalyq zertteýler júrgiziledi. Mundai qiyn kezeńde túsinistikpen qabyldap, meditsina qyzmetkerleriniń nusqaýlaryn buljytpai oryndaý qajet dep sanaimyz. Ózderińiz kórip otyrǵandai, qalany karantinge jaýyp, qoǵamdyq tártipti kúsheitý álemdik tájiribe», - dedi Baqtiiar Máken.
