Nur-Sultan qalasy máslihaty komissiiasynyń kezekti otyrysynda 2021-2023 jyldarǵa arnalǵan biýdjet jobasy qaraldy. Máslihat depýtattary qalanyń qurylys, ekologiia, kólik, saýda jáne TKSh baǵytynda qarajat bólýdi qarastyrdy, dep habarlaidy "Ult aqparat".
«Úsh jyldyq biýdjettiń parametrleri aǵymdaǵy jaǵdaidy eskere otyryp qalyptastyryldy, iaǵni boljamdy indikatorlardyń túzetilýi nazarǵa alyndy», - dedi qalalyq Ekonomika jáne biýdjettik josparlaý basqarmasynyń basshysy Qaisar Mańqaraev turaqty komissiianyń otyrysynda.
Osy oraida ol biýdjet kiristeri týraly jeke toqtaldy.
«2021-2023 jyldary jetkizilgen limitterge sáikes, jeke kiristerdiń túsimi 1 trln 1 mlrd 376 mln teńgeni quraidy. Onyń ishinde 2021 jyly 319,7 mlrd teńge, 2022 jyly – 332,2 mlrd jáne 2023 jyly - 349,3 mlrd teńge. 2021 jyly jeke kiris kólemi 319,7 mlrd teńge somasynda baǵalanyp otyr, bul turǵyda 5 paiyz ósim qamtyldy. Onyń ishinde salyqtyq túsimder 315,9 mlrd teńge, salyqtyq emes túsimder 1,1 mlrd teńge, sondai-aq negizgi kapitaldy satýdan keletin túsim 2,7 mlrd teńge. Aldaǵy úsh jylda salyqtyq túsimder elordanyń jeke kiristeriniń jalpy kóleminen 98 paiyzǵa jýyǵyn qamtamasyz etedi», - dedi Qaisar Manqaraev.
Onyń aitýynsha, jergilikti úsh jyldyq biýdjettiń shyǵystary 1 trln 1 mlrd 376 mln teńge somasynda josparlanǵan. Sáikesinshe, Onyń ishinde 2021 jyly 319,7 mlrd teńge, 2022 jyly – 332,2 mlrd, 2023 jyly 349,3 mlrd teńge jumsalmaq.
