QR Prezidenti Nursultan Nazarbaev elordanyń ataýyn ózgertýge qajettiliktiń joq ekenin aitty, - dep habarlaidy "Ult aqparat" Aqordaǵa silteme jasap.
Bul týraly Qazaqstan Prezidenti reseilik jýrnalisterge bergen suhbatynda málimdedi. "Men osynda turamyn, barlyǵyn estip jatyrmyn. Internette jazyp, aityp jatyr. Buǵan jaýap ta berip qoiǵanmyn. (...) Bul - brend. Sondyqtan ataýyn ózgertýdiń qajeti joq. Astanada Eýropadaǵy qaýipsizdik jáne yntymaqtastyq uiymynyń HHI ǵasyrdaǵy birinshi sammiti ótti. Qysqy Aziia oiyndaryn qabyldadyq. EXPO-2017 ótedi. Osynyń barlyǵy Qazaqstanmen bailanysty, biraq barlyq jerde Astana aitylady. Muny ózgertýdiń qajeti ne?", - dep jaýap berdi Nursultan Nazarbaev tilshiniń suraǵyna.
Aita keteiik, Memleket basshysy osyǵan deiin de Astananyń ataýyn ózgertý týraly pikir bildirgen bolatyn. "Men mundai boljamdy eshkimge aitqan emespin. (...) Barlyq máseleni biz salmaqtap, óz retimen sheshemiz", - degen edi Memleket basshysy.
Eske salaiyq, Parlament Májilisiniń depýtaty Qýanysh Sultanov Nursultan Nazarbaevtyń esimin Astana ataýynda kórsetýdi usynǵan bolatyn.
