Biyl Nur-Sultan qalasyn 2050 jylǵa deiin damytý strategiiasy ázirlenedi. Bul týraly búgin HII Astana ekonomikalyq forýmy barysynda elorda ákimi Baqyt Sultanov aitty, dep habarlaidy QazAqparat tilshisi.
«Biyl elordanyń qarqyndy ósýimen bailanysty syn-tegeýrinderdi, qala aýmaǵynyń árkelki damýyn jáne búkil álemnen talanttardy tartýdy eskeretin 2050 jylǵa deiingi Nur-Sultan qalasyn damytý strategiiasyn ázirleimiz. Strategiiasy maqsaty - tirshilik tartymdylyǵy men barlyǵyna arnalǵan jumys, jahandyq básekege sai ári turaqty ekonomika syndy sipattamalardy qamtityn jahandyq deńgeidegi qala qurý. Jáne túptep kelgende eń aldymen saiasi Eýraziialyq jahandyq habqa ainalady», - dedi elorda ákimi «Jahandyq jibek joly - qala merleriniń forýmy» sessiiasy barysynda.
Sonymen qatar, Baqyt Sultanov Nur-Sultan qalasy búkil álemdegi niettesterimen óńiraralyq ózara is-qimyldy keńeitý jáne nyǵaitý saiasatyn jalǵastyratyndyǵyn aitty.
«Qazirgi ýaqytta Nur-Sultannyń 32 elde 47 baýyrlas jáne seriktes qalasy bar. Olardyń 29-y astanalar. Biz olardyń árqaisysymen ekijaqty, sondai-aq kópjaqty qarym-qatynas aiasynda ózara tiimdi kooperatsiiany damytýǵa tyrysamyz», - dedi ol.
Sondai-aq, elorda ákimi jahandyq qalalar arasynda investitsiia, talanttar, týrister jáne kásipkerler úshin turaqty básekelestik júrip jatqanyn tilge tiek etti.
«Búginde jahandyq qalalar arasynda investitsiia, talanttar, týrister men kásipkerler úshin turaqty básekelestik júrip jatyr. Osynaý kúreste eń jaqsy múmkinshilik usynǵan ǵana jeńiske jetedi. Básekege qabilettilikti saqtaý úshin biz óńirimizde tirshiliktiń joǵary sapasyn qamtamasyz etýge tiistimiz. Óitkeni, adamdar biznesti jeńil júrgizip, qaýipsiz ári jaily ómir súretin jerde jumys istegendi qalaidy. QR Tuńǵysh Prezidenti Nursultan Nazarbaevtyń dana ári kóregen saiasatynyń arqasynda qalamyz aitarlyqtai tabysqa qol jetkizip otyr. Damýdyń 20 jylynyń ishinde elorda bet-beinesi túbegeili túrlendi jáne búginde ákimshilik, kommertsiialyq jáne qoǵamdyq keńistik úilesimde túiisken zamanaýi, tartymdy jáne qarqyndy damýshy megapolist mártebesine sai keledi», - dedi Sultanov.
Onyń dereginshe, qazirgi ýaqytta elordada respýblikanyń jalpy ishki óniminiń 11 paiyzy óndirilip, eldegi negizgi kapitaldyń 10 paiyz investitsiiasy qalyptasady. Osy jyldar ishinde qalanyń jalpy óńirlik ónimi shynaiy mánde 6 ese ósip, shamamen 17 mlrd dollarǵa jetti. Elorda ekonomikasyna 9 trln teńge kapital salyndy. Investitsiianyń jyldyq kólemi 55 esege artty. Bul 3 mlrd dollardan astam qarajatqa teń. Qazirgi ýaqytta Nur-Sultan qalasynyń ekonomikasy ózine jetkilikti. Jalpy óńirlik óniminiń 55 paiyzy kásipkerlik sektor esebinen qalyptasady. Árbir úshinshi elordalyq kásipkerlikpen ainalysady. Soǵan sáikes biýdjetke salyqtyq túsimderdiń jartysynan kóbi kásipkerlerdiń úlesine tiesili.
«Árbir memlekettiń elordasy onyń «vizittik kartasy» sanalady. Nur-Sultan qalasynyń elordalyq mártebesi onyń memlekettegi rólimen bailanysty kóptegen mindetterdi sheshýdi talap etedi. Biz barlyq ýaqytta da óńirlik yqpaldastyq úshin jemisti iskerlik yntymaqtastyqty jaqtaimyz. Tarihi turǵyda Shyǵys pen Batystyń arasynda ekonomikalyq kópir bolyp, tek saýda nemese kóliktik qyzmetti ǵana emes, sonymen birge keń aýqymdy gýmanitarlyq jáne mádeni missiiany oryndaǵan Uly Jibek jolyn órletýge umtylamyz», - dedi ol.
