Astana LRT qoǵamdyq kólikterdegi jolaqyny Visa bank kartalary arqyly tóleý múmkindigin engizdi, dep habarlaidy "Ult aqparat".
«Biz 20-baǵdarda jolaqysyn Visa bank kartalary arqyly tóleý múmkindigin engizdik. Bul astanalyq qoǵamdyq kóliktiń turaqty paidalanýshylary úshin ǵana emes, sonymen birge Qazaqstan óńirlerinen jáne shet elderden kelgen qonaqtar úshin de qolaily, óitkeni kólik kartasyn satyp alý qajettiligin boldyrmaidy, týristerge olar úshin ádettegi halyqaralyq kartalardyń kómegimen tóleý múmkindigin beredi», - delingen kompaniianyń facebook-tegi paraqshasynda.
Atalǵan joba ázirge testilik rejimde iske asyryldy jáne qoǵamdyq kóliktiń №20 qalalyq baǵdarynda jumys isteitin bolady.
«Bank kartasymen tóleý kezindegi sapardyń quny qolma-qol aqshasyz tóleýdiń basqa tásilderi kezdegidei – 90 teńgeni quraidy. Komissiia alynbaidy. Alaida Visa kartasyn paidalanýshylar úshin aktsiia bastaldy. Bank kartasymen tólegen kezde bir sapardyń quny nebári 45 teńgeni quraityn bolady», - deidi Astana LRT.
