Elorda turǵyndaryna «Nurjol» býlvarynan basqa, qalalyq kóshe men jol jelisi boiynda ornatylǵan «Astana avtoturaq keńistigi» JShS avtoturaqtary úshin tólem jasaýdyń qajeti joq. Qarajatty qaitarý týraly keiinirek habarlanady. Bul týraly kólik jáne jol-kólik infraqurylymyn damytý basqarmasy bólim basshysynyń mindetin atqarýshy Marat Eserkepov málimdedi.
Ákimdiktiń málimetinshe, «Astana avtoturaq keńistigi» uiymynyń parkomattary jumys istemeýi kerek.
«Olar resmi ruqsat almaǵan. Azamattarǵa Nurjol býlvaryn qospaǵanda, bul oryndarǵa aqy tóleýdiń qajeti joq. Parkomattardy paidalanýǵa ruqsat alynbaǵandyqtan, qalalyq biýdjetke qarajat túspegen, al is júzinde adamdar seriktestiktiń ruqsat etilmegen parkomattaryna aqsha tólegen kezde, aqsha seriktestiktiń ózine aýdarylǵan», - dep túsindirdi Marat Eserkepov.
Kólik basqarmasy memlekettik kirister departamentine «Astana avtoturaq keńistigi» JShS-ne qatysty Qazaqstan Respýblikasynyń zańnamasyna sáikes tiisti sharalar qabyldaý maqsatynda hat joldady.
«Qazirgi ýaqytta biz memlekettik kirister departamentiniń sheshimin kútip otyrmyz, jaýap alǵannan keiin tólem qarastyrylmaǵan turaq oryndary úshin alynǵan qarajatty qaitarý mehanizmi týraly qosymsha aqparat buqaralyq aqparat quraldarynda jariialanady», - dep túsindirdi spiker.
Eske salaiyq, Nur-Sultan ákimdigi kelisimshart mindettemelerin oryndamaǵany jáne talaptardy elemegeni úshin sotqa «Astana avtoturaq keńistigi» JShS-men kelisimshartty buzý týraly aryz bergen. Jabdyqty bólshekteý qajettiligi týraly seriktestikke birneshe ret habarlama jiberildi, ótinishter elenbedi.
«Astana avtoturaq keńistigi» JShS birneshe zańbuzýshylyqtary men turǵyndardyń shaǵymdaryna bailanysty elorda ákimdigi jobany keńeitýdi toqtata turý týraly sheshim shyǵaryp, kelisimshartty buzý týraly sotqa aryz berdi.
