Elorda halqy «Smart Astana» mobildik qosymshasy arqyly 700 myń teńge kóleminde pitir-sadaqa laqtyrǵan. Bul týraly Facebook-tegi paraqshasynda «Astana Innovations» AQ baspasóz hatshysy Ásel Álimhanova málim etti, dep habarlaidy "Ult aqparat".
Málim etilgendei, mobildik qosymsha arqyly bes meshitke qaiyrymdylyq qarajatyn aýdarýǵa bolady. Olar – Haziret Sultan, Yryskeldi Qajy, Aq meshit, Nur Astana, Ál-Ǵani meshitteri.
Aqsha aýdarý úshin «Meniń tólemderim» bólimine kirip, «Qaiyrymdylyq» - «Sadaqa berý» aidaryn basý kerek.
Elordalyqtar búginge deiin QMDB bekitken 370 teńge kólemindegi pitir-sadaqany «Smart Astana» arqyly jiberip, onyń jalpy somasy 700 myń teńgege jetken.
Sonymen qatar aýdarǵan aqshańyz qaida jáne qashan túskenin de baqylaýǵa bolady.
«Wooppay qyzmetin erekshe atap ótkim keledi. Mamandar sizdiń tólemińizdi tiisti parametrler boiynsha birden aýdaryp otyrady. Bank komissiialarynyń bárin Wooppay ózi óteidi», - deidi kompaniianyń baspasóz hatshysy.
Aita keterligi byltyr Astana Innovations qaiyrymdylyq uiymynyń kraýdfandingti platformasyn iske qosqan edi. Búgin de turǵyndardyń belsendiligi baiqalady. Kez kelgen azamat qaiyrymdylyq jobasynyń paidasyna aqsha aýdara alady.
