ەلوردا حالقى «Smart Astana» موبيلدٸك قوسىمشاسى ارقىلى 700 مىڭ تەڭگە كٶلەمٸندە پٸتٸر-ساداقا لاقتىرعان. بۇل تۋرالى Facebook-تەگٸ پاراقشاسىندا «استانا Innovations» اق باسپاسٶز حاتشىسى ەسەل ەلٸمحانوۆا مەلٸم ەتتٸ, دەپ حابارلايدى "ۇلت اقپارات".
مەلٸم ەتٸلگەندەي, موبيلدٸك قوسىمشا ارقىلى بەس مەشٸتكە قايىرىمدىلىق قاراجاتىن اۋدارۋعا بولادى. ولار – حازٸرەت سۇلتان, ىرىسكەلدٸ قاجى, Aq meshit, نۇر استانا, ەل-عاني مەشٸتتەرٸ.
اقشا اۋدارۋ ٷشٸن «مەنٸڭ تٶلەمدەرٸم» بٶلٸمٸنە كٸرٸپ, «قايىرىمدىلىق» - «ساداقا بەرۋ» ايدارىن باسۋ كەرەك.
ەلوردالىقتار بٷگٸنگە دەيٸن قمدب بەكٸتكەن 370 تەڭگە كٶلەمٸندەگٸ پٸتٸر-ساداقانى «Smart Astana» ارقىلى جٸبەرٸپ, ونىڭ جالپى سوماسى 700 مىڭ تەڭگەگە جەتكەن.
سونىمەن قاتار اۋدارعان اقشاڭىز قايدا جەنە قاشان تٷسكەنٸن دە باقىلاۋعا بولادى.
«Wooppay قىزمەتٸن ەرەكشە اتاپ ٶتكٸم كەلەدٸ. ماماندار سٸزدٸڭ تٶلەمٸڭٸزدٸ تيٸستٸ پارامەترلەر بويىنشا بٸردەن اۋدارىپ وتىرادى. بانك كوميسسييالارىنىڭ بەرٸن Wooppay ٶزٸ ٶتەيدٸ», - دەيدٸ كومپانييانىڭ باسپاسٶز حاتشىسى.
ايتا كەتەرلٸگٸ بىلتىر استانا Innovations قايىرىمدىلىق ۇيىمىنىڭ كراۋدفاندينگتٸ پلاتفورماسىن ٸسكە قوسقان ەدٸ. بٷگٸن دە تۇرعىنداردىڭ بەلسەندٸلٸگٸ بايقالادى. كەز كەلگەن ازامات قايىرىمدىلىق جوباسىنىڭ پايداسىنا اقشا اۋدارا الادى.
