Qoqysty ruqsat etilmegen jerlerge shyǵarǵan Nur-Sultan qalasynyń turǵyndaryna 36 million teńge aiyppul salyndy, dep habarlaidy "Ult aqparat".
Osy kúnderi ekologiialyq politsiia bóliminiń qyzmetkerleri qala syrtyna ruqsatsyz qoqys tógý faktilerin anyqtaý maqsatynda reid júrgizýde.
Qurylys qaldyqtaryn elorda irgesine aparyp tókken kásiporyndar men qala turǵyndary 55 560 teńge aiyppul túrindegi ákimshilik jaýapkershilikke tartylady. Biylǵy jyldyń basynan qurylys kompaniialary, PIK, JShS jáne taǵy basqalaryna, jalpy 2 myńnan astam adamǵa 36 mln teńge aiyppul salyndy.
Elorda ákiminiń orynbasary Altynbek Qaisaǵalievtiń aitýynsha, «Nurly jol» vokzalynyń artynda úlken shuńqyr bar. Keibir qurylys kompaniialary jáne óz páterinde jóndeý júrgizetin azamattar munda túnde kelip qoqysty zańsyz laqtyryp ketedi.
«Sharalar qabyldaimyz. Muny qadaǵalaityn ekologiialyq politsiia bar. Olar bul jumysty jaqsy atqarýda. Qurylys maýsymy bastaldy, zańsyz qoqys shyǵarý faktileri kóbeidi. Zańǵa sáikes olar qurylys qaldyqtaryn mamandandyrylǵan ekologiialyq poligonǵa aparýy kerek. Ol Pavlodar tasjoly boiymen Alash tasjolynda ornalasqan. Olar qurylys qaldyqtaryn óńdeitin jerge aparýy tiis. Tazalyq mádenietin qalyptastyrý qajet», – dedi
Buǵan deiin elorda ákimi Altai Kólginov ekologiialyq politsiia men aýdan ákimderine eskertý jasap, qurylys qaldyqtaryn zańsyz tógýdiń jolyn kesýge jáne ol úshin arnaiy oryn belgileýdi tapsyrǵan bolatyn.
