قوقىستى رۇقسات ەتٸلمەگەن جەرلەرگە شىعارعان نۇر-سۇلتان قالاسىنىڭ تۇرعىندارىنا 36 ميلليون تەڭگە ايىپپۇل سالىندى, دەپ حابارلايدى "ۇلت اقپارات".
وسى كٷندەرٸ ەكولوگييالىق پوليتسييا بٶلٸمٸنٸڭ قىزمەتكەرلەرٸ قالا سىرتىنا رۇقساتسىز قوقىس تٶگۋ فاكتٸلەرٸن انىقتاۋ ماقساتىندا رەيد جٷرگٸزۋدە.
قۇرىلىس قالدىقتارىن ەلوردا ٸرگەسٸنە اپارىپ تٶككەن كەسٸپورىندار مەن قالا تۇرعىندارى 55 560 تەڭگە ايىپپۇل تٷرٸندەگٸ ەكٸمشٸلٸك جاۋاپكەرشٸلٸككە تارتىلادى. بيىلعى جىلدىڭ باسىنان قۇرىلىس كومپانييالارى, پيك, جشس جەنە تاعى باسقالارىنا, جالپى 2 مىڭنان استام ادامعا 36 ملن تەڭگە ايىپپۇل سالىندى.
ەلوردا ەكٸمٸنٸڭ ورىنباسارى التىنبەك قايساعاليەۆتٸڭ ايتۋىنشا, «نۇرلى جول» ۆوكزالىنىڭ ارتىندا ٷلكەن شۇڭقىر بار. كەيبٸر قۇرىلىس كومپانييالارى جەنە ٶز پەتەرٸندە جٶندەۋ جٷرگٸزەتٸن ازاماتتار مۇندا تٷندە كەلٸپ قوقىستى زاڭسىز لاقتىرىپ كەتەدٸ.
«شارالار قابىلدايمىز. مۇنى قاداعالايتىن ەكولوگييالىق پوليتسييا بار. ولار بۇل جۇمىستى جاقسى اتقارۋدا. قۇرىلىس ماۋسىمى باستالدى, زاڭسىز قوقىس شىعارۋ فاكتٸلەرٸ كٶبەيدٸ. زاڭعا سەيكەس ولار قۇرىلىس قالدىقتارىن مامانداندىرىلعان ەكولوگييالىق پوليگونعا اپارۋى كەرەك. ول پاۆلودار تاسجولى بويىمەن الاش تاسجولىندا ورنالاسقان. ولار قۇرىلىس قالدىقتارىن ٶڭدەيتٸن جەرگە اپارۋى تيٸس. تازالىق مەدەنيەتٸن قالىپتاستىرۋ قاجەت», – دەدٸ
بۇعان دەيٸن ەلوردا ەكٸمٸ التاي كٶلگٸنوۆ ەكولوگييالىق پوليتسييا مەن اۋدان ەكٸمدەرٸنە ەسكەرتۋ جاساپ, قۇرىلىس قالدىقتارىن زاڭسىز تٶگۋدٸڭ جولىن كەسۋگە جەنە ول ٷشٸن ارنايى ورىن بەلگٸلەۋدٸ تاپسىرعان بولاتىن.
