Qashyqtan oqý júiesi qatysýshylarǵa jumys bólmesinde nemese úide otyryp yńǵaily ýaqytta til úirenýge múmkindik beredi, dep habarlaidy elorda ákimdiginiń resmi saity.
Eldegi tótenshe jaǵdaiǵa bailanysty 16 naýryzdan bastap Nur-Sultan qalasy ákimdiginiń Tilderdi damytý jáne arhiv isi basqarmasy, «Rýhaniiat» ortalyǵy memlekettik qyzmetshilerge, túrli sala mamandaryna, eresek adamdarǵa til úirený kýrstaryn qashyqtan oqý platformasy arqyly júzege asyrady. Búginde 1326 tyńdaýshyǵa ZOOM, Whatsapp jáne t.b. qosymshalar arqyly qazaq tilinen onlain kýrs oqytylýda.
Sonymen qatar, 110 memlekettik qyzmetker aǵylshyn tilinen onlain kýrsqa qatysyp jatyr. Eresek adamdarǵa bilim berýdiń túrli ádisterin qoldana otyryp, tájiribeli, bilikti oqytýshylar sabaq beredi. Topta oqý men sabaq kestesi ózine tiimsiz dep sanaityn eresekter úshin onlain oqýdyń paidasy orasan zor.
Onlain oqý úshin til úirenýshilerge internetke qosylǵan derbes kompiýter men Skype baǵdarlamasy qajet. Oqý úderisinde bilim alýshylardyń deńgeii ártúrli bolýyna bailanysty, til úirenýshilerdiń talabyna, suranysyna baǵyttalǵan ádis-tásilder qoldanylady.
Máselen, elordanyń № 8, 10 emhana qyzmetkerleri qazaq tilin úirený kýrsyna jumystan bos ýaqytta qatyssa, Halyqqa qyzmet kórsetý ortalyǵy mamandaryna «Qoljetimdi orta qurý» jobasy aiasynda aǵylshyn tilinen onlain kýrsqa qatysady.
