Politsiiaǵa 25 jastaǵy qala turǵynynan dosy iRhone 12 Pro markaly smartfonyn surap alyp, qashyp ketkeni týraly aryz tústi, dep habarlaidy QazAqparat.
Jedel izdestirý sharalaryn júrgizý barysynda astanalyq politsiia qyzmetkerleri urlyq jasaǵany úshin buryn sottalǵan 22 jastaǵy Almaty qalasynyń turǵynyn ustady.
«Tergeý barysynda jigitter elordalyq dámhanaǵa birge barǵany anyqtaldy. Biraz ýaqyttan keiin kúdikti dosynan tólem jasaimyn degen syltaýmen uialy telefonyn suraidy. Telefondy alǵan ol dámhanadan dereý shyǵyp, qashyp ketken. Keltirilgen shyǵyn kólemi 540 myń teńgeni quraidy», - delingen politsiia departamenti taratqan habarlamada.
Atalǵan derek boiynsha QR QK-niń alaiaqtyq isterge negizdelgen 190-babymen sotqa deiingi tergeý amaldary júrgizilip jatyr.
