© Sputnik / Vladislav Vodnev
Seisenbi, besinshi shildede 19 jastaǵy jigit erekshe selfi jasaimyn degen oimen Nur-Sultandaǵy kópirdiń arkasyna shyǵyp ketti, dep habarlaidy Sputnik Qazaqstan.
Áleýmettik jelide kýágerlerdiń jariialaǵan videosy tarady. Videodan belgisiz bireý elordalyq kópirdiń doǵasyna shyǵyp alǵanyn kórýge bolady.
Nur-Sultan politsiia departamentiniń baspasóz qyzmeti habarlaǵandai, 5 shilde saǵat 13.25-te "102" arnasyna elorda turǵyndarynan Qabanbai batyr dańǵylyndaǵy kópirdiń arkasyna bir adam shyǵyp ketkeni týraly qońyraý kelip túsken.
"Oqiǵa ornyna dereý politsiia jasaǵy keldi. Erekshe foto túsirmek bolǵan 19 jastaǵy áýesqoi politsiiaǵa jetkizildi. Tártip buzýshy mundai áreketke elorda kórinisimen sýretke túsý úshin barǵanyn aitty. Jigit keshki serýennen keiin sýretke túsýge sheshim qabyldaǵan, al selfi áserli shyǵý úshin kópirge kóterilgen. Biraq kópirdiń ústine shyqqanda, tómende turǵan tártip saqshylaryn kórip, qorqyp, sýretke túse almaǵan", - dep málimdedi elordalyq politsiianyń baspasóz qyzmeti.
Politseiler jas jigitpen qoǵamdyq tártipti saqtaý jáne quqyqbuzýshylyqqa jol bermeý týraly profilaktikalyq áńgime júrgizdi. Politsiia mundai fotosessiianyń sońy qaiǵyly aiaqtalýy múmkin ekenin eskertti jáne ádemi sýret úshin ómirge qaýip tóndirmeýge shaqyrdy.
