Astana IT University ǵimaratynda konstitýtsiialyq reformalardy túsindirý boiynsha Respýblikalyq qoǵamdyq qoldaý shtabynyń músheleri elordalyq jastar birlestikteri ókilderimen kezdesýi ótkizdi. Bul týraly elorda ákimdiginiń resmi saity habarlady.
Kezdesýde Respýblikalyq volonterler Front-ofisi jobasynyń úilestirýshisi Aibek Dosymbetov, Qazaqstannyń ekologiialyq uiymdary qaýymdastyǵynyń memlekettik organdarmen jumys jónindegi menedjeri Álisher Qumarǵaliev, BIRGEMIZ respýblikalyq volonterlik front-ofisiniń úilestirýshisi Perizat Qairatqyzy, Qazaqstan stýdentteri aliansynyń atqarýshy direktory Teńgebaev Azat Erjigituly sekildi belsendi jastar bas qosty.
«Bizge, iaǵni jastarǵa ózgerister men demokratiia qajet. Biz basqa býynbyz jáne táýelsiz elde ómir súrip jatyrmyz. Bostandyqtyń ne ekenin bilemiz jáne túsinemiz, óz áleýetimizdi, armanymyzdy júzege asyrý úshin bizge teń múmkindikter qajet. Osyǵan bailanysty Prezident óziniń naýryzdaǵy Qazaqstan halqyna Joldaýynda túbegeili jańa konstitýtsiialyq tepe-teńdikti qalyptastyrý mindetin qoidy. Eldiń saiasi júiesin jańartý men jańǵyrtý joly qoǵam men el ómirine jan-jaqty yqpal etedi, al jańa Qazaqstan men ekinshi respýblika jańa tásilderdi talap etedi.
Osyǵan bailanysty barshańyzdy, ásirese, jastardy 5 maýsymda referendýmǵa baryp, jańa Qazaqstan úshin daýys berýge shaqyramyn», - dedi Álisher Qumarǵaliev.
Jiyn qatysýshylary Konstitýtsiianyń el damýyndaǵy róli men konstitýtsiialyq reformanyń «Jańa Qazaqstandy» qurýdaǵy mańyzdylyǵyn talqylap, ózderiniń belsendi azamattyq ustanymdaryn bildirdi. Sol siiaqty kókeikesti máselelerdi qozǵap, usynystaryn da aitty.
Aita keteiik, Qazaqstan halqy Assambleiasynyń «El birligi – jańarǵan Qazaqstannyń tiregi» atty HHHI sessiiasynda Memleket basshysy Qasym-Jomart Toqaevtyń Ata Zańǵa ózgerister men tolyqtyrýlar engizý jóninde respýblikalyq referendým ótkizýdi usynǵan bolatyn.
