Nur-Sultan politseileri elektr tizbeginiń mys kabelin urlaý faktisi boiynsha 32 jáne 29 jastaǵy eki kúdiktini ustady, dep habarlaidy "Ult aqparat" Nur-Sultan qalasy PD baspasóz qyzmetine silteme jasap.
Túngi ýaqytta qaskúnemder jańa qurylys aýdanyndaǵy qudyqtardy ashyp, trotýar taqtasyn syndyryp, kabel jatqan tonneldi qazǵandyǵy anyqtaldy.
Osylaisha 100 metr mys kabelin qiyp, ony metall qabyldaý pýnkine 475 myń teńgege ótkizedi. «Qaskúnemder elektr kabeli ornalasqan jerdi aldyn ala zerttep, symnyń qalai turǵanyn bilip alǵan. Olar óz áreketterin naqty belgilep, qandai quraldar qajet ekenin de josparlaǵan. Keltirilgen zalal somasy shamamen 9 million teńge», - deidi Nur-Sultan qalasy PD Kriminaldyq politsiia basqarmasy bastyǵy Dmitrii Demidov.
Kúdiktiler PD ýaqytsha ustaý izoliatoryna qamalyp, «Urlyq» baby boiynsha qylmystyq is qozǵaldy. Olar óz kinásin moiyndady, eki kabel urlaý faktisi boiynsha aiyptalyp otyr. Ustalǵandar buryn uqsas qylmys jasaǵany úshin sottalǵan bolyp shyqty.
Jyldyń basynan beri qala aýmaǵynda 38 kabel urlaý faktisi tirkelip, 20 urlyq ashylyp, 7 fakti boiynsha tártip saqshylary jedel-izdestirý sharalaryn júrgizýde. Elordalyq politseiler tústi jáne qara metaldardy, olardyń synyǵy men qaldyqtaryn ótkizý, zańsyz ainalymǵa salý oryndaryn únemi tekserip otyrady.
