نۇر-سۇلتان پوليتسەيلەرٸ ەلەكتر تٸزبەگٸنٸڭ مىس كابەلٸن ۇرلاۋ فاكتٸسٸ بويىنشا 32 جەنە 29 جاستاعى ەكٸ كٷدٸكتٸنٸ ۇستادى, دەپ حابارلايدى "ۇلت اقپارات" نۇر-سۇلتان قالاسى پد باسپاسٶز قىزمەتٸنە سٸلتەمە جاساپ.
تٷنگٸ ۋاقىتتا قاسكٷنەمدەر جاڭا قۇرىلىس اۋدانىنداعى قۇدىقتاردى اشىپ, تروتۋار تاقتاسىن سىندىرىپ, كابەل جاتقان توننەلدٸ قازعاندىعى انىقتالدى.
وسىلايشا 100 مەتر مىس كابەلٸن قيىپ, ونى مەتالل قابىلداۋ پۋنكٸنە 475 مىڭ تەڭگەگە ٶتكٸزەدٸ. «قاسكٷنەمدەر ەلەكتر كابەلٸ ورنالاسقان جەردٸ الدىن الا زەرتتەپ, سىمنىڭ قالاي تۇرعانىن بٸلٸپ العان. ولار ٶز ەرەكەتتەرٸن ناقتى بەلگٸلەپ, قانداي قۇرالدار قاجەت ەكەنٸن دە جوسپارلاعان. كەلتٸرٸلگەن زالال سوماسى شامامەن 9 ميلليون تەڭگە», - دەيدٸ نۇر-سۇلتان قالاسى پد كريمينالدىق پوليتسييا باسقارماسى باستىعى دميتريي دەميدوۆ.
كٷدٸكتٸلەر پد ۋاقىتشا ۇستاۋ يزولياتورىنا قامالىپ, «ۇرلىق» بابى بويىنشا قىلمىستىق ٸس قوزعالدى. ولار ٶز كٸنەسٸن مويىندادى, ەكٸ كابەل ۇرلاۋ فاكتٸسٸ بويىنشا ايىپتالىپ وتىر. ۇستالعاندار بۇرىن ۇقساس قىلمىس جاساعانى ٷشٸن سوتتالعان بولىپ شىقتى.
جىلدىڭ باسىنان بەرٸ قالا اۋماعىندا 38 كابەل ۇرلاۋ فاكتٸسٸ تٸركەلٸپ, 20 ۇرلىق اشىلىپ, 7 فاكتٸ بويىنشا تەرتٸپ ساقشىلارى جەدەل-ٸزدەستٸرۋ شارالارىن جٷرگٸزۋدە. ەلوردالىق پوليتسەيلەر تٷستٸ جەنە قارا مەتالداردى, ولاردىڭ سىنىعى مەن قالدىقتارىن ٶتكٸزۋ, زاڭسىز اينالىمعا سالۋ ورىندارىن ٷنەمٸ تەكسەرٸپ وتىرادى.
