Nur-Sultan qalalyq bilim basqarmasynyń basshysy Sholpan Qadyrova oqýshylarǵa biylǵy oqý jylynyń qorytyndysy boiynsha baǵa qalai qoiylatynyn túsindirip berdi, dep habarlaidy QazAqparat.
«Bilim jáne ǵylym ministrliginiń buiryǵyna sáikes, biyl 9-shy jáne 11-shi synyptarǵa qorytyndy attestattaý bolmaidy. Qorytyndy baǵalar jyldyq nátijeler boiynsha qoiylady. Aptasyna 2 jáne odan kóp saǵat júktememen oqý pánderi boiynsha BJB (Bólim boiynsha jiyntyq baǵalaý) ótkizý merzimi - 2020 jyly 4 -11 mamyr aralyǵynda, al aptasyna 1 saǵat júktememen oqý pánderi boiynsha BJB ótkizý merzimi 2020 jyldyń 11-15 mamyr aralyǵynda ótedi», - dedi Sholpan Qadyrova baspasóz máslihatynda.
Toqsan boiynsha jiyntyq baǵalaý (TJB) 1 ret ótedi. Ótkizý ýaqyty BJB boiynsha 20, TJB boiynsha 40 minýtty alady.
«1-4 synyp oqýshylary úshin BJB jáne TJB ótkizý ýaqyty shektelmeidi. BJB jáne TJB sany bir kúnde úsh jiyntyq jumystan aspaýy tiis. Kórkem eńbek, ózin-ózi taný, mýzyka, dene shynyqtyrý, biznes jáne kásipkerlik negizderi, grafika jáne jobalaý, qoǵamtaný, dintaný pánderi boiynsha bólim boiynsha baǵalaý jáne toqsan boiynsha baǵalaý bolmaidy. BJB jáne TJB ótkizý úshin pedagog jiyntyq jumystyń oqý tapsyrmalaryn júktep, jiyntyq jumysty tapsyrý úshin synyp oqýshylarynyń kirýin jáne ártúrli bailanys quraldarymen qamtamasyz ete otyrypǵ bilim berý platformalaryn paidalana alady», - dedi ol.
Kúndelik.kz jáne kez kelgen qoljetimdi bailanys quraldary (elektrondyq poshta, chat) arqyly bilim alýshylarmen, balanyń ata-analarymen nemese zańdy ókilderimen elektrondyq formattaǵy pikir almasý boiynsha keri bailanys ornatylady.
