El astanasyn damytýǵa bólingen qarajattyń igerilýine aýdit júrgizgen Tekserý komissiiasy alǵashqy qorytyndylardy jariialady, dep habarlaidy QazAqparat.
Komissiianyń tóraǵasy Imanjúsip Aqpombaev aýdit Esep komitetimen birlesip júrgizilgenin aitady.
«Nur-Sultan qalasyn damytýǵa, onyń ishinde daǵdarysqa qarsy is-sharalar boiynsha bólingen memlekettik qarajattyń paidalanylýyna memlekettik aýdit júrgizdik. Aýdit mynadai problemalar men kemshilikterdi kórsetti: kóp páterli turǵyn úi keshenderin paidalanýǵa qabyldaý kezinde qurylys týraly zańnama buzylǵan. «Nurly jer» memlekettik baǵdarlamasy boiynsha az qamtylǵan jáne kóp balaly otbasylar úshin jalǵa beriletin páterlerdi satyp alý kezinde memlekettik baǵdarlamanyń 5,1-tarmaǵyn buzý baiqaldy. Jalpy somasy 254,2 mln.teńgege 13 páter satyp alynǵan», - deidi komissiia basshysy.
Imanjúsip Aqpombaev 2020 jyldyń 1 shildesindegi jaǵdai boiynsha qalalyq qurylys basqarmasynyń moinynda 5 biýdjettik baǵdarlama boiynsha 7,4 mlrd teńge qaryz bolǵanyn atady.
«Turǵyn úi qurylysynyń problemalyq nysandaryn aiaqtaýmen ainalysatyn «Elorda qurylys kompaniiasy» JShS-ndegi aýdit birqatar kemshilikti kórsetti. Tórt nysannyń qurylysyna bólingen 3 mlrd teńgeni birlesip paidalaný týraly kelisimshartsyz igerý faktisi tirkeldi», - dedi tekserý komissiiasynyń tóraǵasy.
