Nur-Sultan qalasyndaǵy QR QK ÁQK Áskeri-áýe kúshteriniń aviatsiia bazasynyń qurylǵanyna 21 jyl toldy. Ataýly kún qarsańynda oqý-jattyǵý ótti, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Oqý-jaýyngerlik tapsyrmalar barysynda armiialyq aviatsiia ushqyshtary ushý men qonýdy, sonymen qatar Mi-171Sh jáne ES-145 tikushaqtarymen baǵyt boiynsha ushýdy pysyqtady, jergilikti jerdi barlaý úshin ushýlardy oryndady.
«Daiarlyq barysyndaǵy mańyzdy element - kúrdeli meteojaǵdaida jáne túngi ýaqytta ushý. Alǵash ret jas ofitserler áýe kemesiniń komandiri retinde derbes ushty. Atalmysh áskeri bólimniń armiialyq aviatsiia ushqyshtary turaqty túrde taktikalyq oqý-jattyǵýlarǵa, desantty tasymaldaýǵa jáne olardy jabdyqtalmaǵan alańǵa túsirýdi oryndaýǵa qatysady. Tikushaq eskadrilia ekipajdary jaralanǵandardy evakýatsiialaý jáne izdestirý-qutqarýmen qamtamasyz etý mindetterin sheshedi» delingen habarlamada.
2019 jyly jaýyngerlik daiarlyq baǵdarlamasyna sáikes birqatar ushqyshtar túngi ýaqytta túnde kórý kózildirigin paidalana otyryp, túngi ýaqytta ushýǵa jáne qarapaiym meteojaǵdailarda túnde toppen ushýǵa ruqsat aldy. Kózildirik paidalaný arqyly ótetin ushý barysynda aviatsiialyq tehnikada barlyq jaryqtandyrý quraldary ajyratylady. Bul shartty qarsylasty onyń tylynda kenetten ustap alýǵa múmkindik beredi.
Armiialyq aviatsiiadan basqa osy aviatsiialyq bazada áskeri-kólik aviatsiianyń ushqyshtar ekipajdary qyzmet atqarady. Kúndiz jáne túnde olar Qazaqstannyń ár túrli baǵyttary boiynsha ushady, jaqyn jáne alys shetelge júk pen jeke quramdy tasymaldaidy.
2019 jyly elordalyq aviatsiialyq bólimniń ushqyshtar quramynyń jalpy ushýy - shamamen 2000 saǵat.
