Foto: videodan skrinshot
2025 jylǵy 1-6 aqpan aralyǵynda Mysyr Respýblikasynyń Kair qalasynda ótken paýerliftingten ashyq álem chempionatyna Astana qalasynyń Raiymbek batyr atyndaǵy № 50 “Qazǵarysh” mektep - litseiiniń bastaýysh synyp muǵalimi Erjanova Aigúl Turǵanbaiqyzy eki altyn medal ielendi dep habarlaidy Ult.kz.
Jiyrmaǵa jýyq memleketten kelgen áielder ishinen elý tórt jastaǵy ustaz jasynyń úlkendigine qaramastan el namysyn qorǵap 100 kg aýyr ziltemirdi kóterip rekordtyq kórsetkishti baǵyndyrdy. Aigúl Turǵanbaiqyzy sporttyń bul túrine 52 jasynda kelgen. Bir jarym jyl ishinde aýyr atletikany meńgerip, buǵan deiinde birneshe márte álem chempiony atanǵan.
"Qazaqstan bul jarysqa birinshi ret qatysyp otyrǵandyqtan meni basynda Qytaidan kelgen qatysýshy dep oilady. Alaida, rekordyq kórsetkish kórsetkenimde qazaqstannan kelgenimdi bilip barlyǵy qoshemet kórsetti", - deidi Aigúl Turǵambaiqyzy.
Ótken jyly memleket basshysynyń qolynan bilim salasyna aitarlyqtai úles qosqany úshin “Qazaqstannyń eńbek sińirgen ustazy” ataǵyn alǵan Aigúl Turǵanbaiqyzy ata-analary men oqýshylaryna bilim men qatar sportty da meńgerip, adam boiynda jatqan jańa qyrlaryn kez kelgen jasta asha bilip, álemdi baǵyndyrýǵa bolatynyn kórsetkisi keletin aitady.
Aita keteiik, aldaǵy ýaqytta sportshy ustaz Afrikada ótetin jarysqa Qazaqstan atynan baryp qatysady.
