Nur-Sultanǵa búgin túnde halyqaralyq reister boiynsha taǵy 4 ushaq ushyp keldi. Air Astana, Turkish Airlines pen Flydubai áýe kompaniialary oryndaǵan reistermen 569 jolaýshy ushyp kelip, onyń 118-de PTR anyqtama bolmaǵan. Olardyń bári osy sebepti karantin statsionaryna jatqyzyldy, dep habarlaidy "Ult aqparat" elordanyń áýejaiynyń baspasóz qyzmetine silteme jasap.
PTR-testileýden ótkennen keiin olar úilerine qaitarylady. Al test qorytyndysy koronavirýs juqtyrǵanyn kórsetse, ondai jolaýshylar infektsiialyq statsionarǵa barady.
Nursultan Nazarbaev halyqaralyq áýejaiy memlekettik organdarmen birge koronavirýs infektsiiasynyń aldyn alý úshin naqty sharalar keshenin júzege asyrýda:
● Jolaýshylar mindetti túrde termometriiadan ótýi kerek. Ol úshin teplovizorlyq smart-kameralar qoldanylady.
● Jolaýshylar terminalynda táýlik boiy sanitarlyq-karantindik beket brigadalary kezekshilikte júredi.
● Ishki jáne halyqaralyq reisterde ushý jáne qoný aýmaǵytarynda jolaýshylarǵa arnalǵan sanitaizerler ornatylǵan.
● Jolaýshylardy tirkeý, sonymen qatar Nursultan Nazarbaev halyqaralyq áýejaiynyń aýmaǵynda 1,5 mterlik áleýmettik qashyqtyqty qamtamasyz etý tártibi edende naqty syzbamen kórsetilgen.
● Áýejaidyń ishki aýmaǵyn arnaiy dezinfektsiialyq quraldardy paidalana otyryp, sanitarlyq óńdeý jiiligi artty. Virýsqa qarsy belsendilikke ie antiseptik qoldanylady.
● Nursultan Nazarbaev halyqaralyq áýejaiyna keletin áýe kemeleriniń bári de dezinfektsiialyq óńdeýden ótedi. Sonymen qatar turaqty túrde jolaýshylarǵa qyzmet kórsetetin tehnikada dezinfektsiialyq jumystar júrgiziledi.
● Koronavirýs infektsiiasynyń taralýynyń aldyn alý boiynsha áýejai qyzmetkerlerimen nusqaýlyq júrgiziledi.
Eske sala ketsek, keshe Nur-Sultanǵa shet elderden ushyp kelgen, PTR-anyqtamasy joq 104 adam statsionarlyq karantinge jatqyzylǵan bolatyn.
