Elordadaǵy botanikalyq baqtaǵy jasandy kólge qos aqqý qondy. Buryn-sońdy bul aidynda júzgen qus bolmaǵan eken. Bul týraly Habar 24 habarlaidy.
«Óte ádemi kórinis. Osyndai ádemi aqqýdy birinshi ret kórip turmyn. Karantin kezinde kóńil kúidi kóteredi», - deidi qala turǵyny Erih Sýrma.
Al elordadaǵy aqqýlar botanikalyq baqty uzaq mekendemeidi. Óitkeni munda olarǵa uia salyp, ornyǵa qoiatyndai qolaily tabiǵi orta joq. Bul ornitologtardyń pikiri.
«Botanikalyq saiabaqta qamys óspeidi. Olarǵa uia salýǵa yńǵaily oryn qajet. Demek, bul fakt ýaqytsha qubylys bolýy yqtimal» deidi ornitolog Rýslan Orazaliev.
Qazir botanikalyq baqtaǵy bul qos aqqý sol aýmaqta turatyn kópshiliktiń kózaiymyna ainalǵan.
