ەلورداداعى بوتانيكالىق باقتاعى جاساندى كٶلگە قوس اققۋ قوندى. بۇرىن-سوڭدى بۇل ايدىندا جٷزگەن قۇس بولماعان ەكەن. بۇل تۋرالى حابار 24 حابارلايدى.
«ٶتە ەدەمٸ كٶرٸنٸس. وسىنداي ەدەمٸ اققۋدى بٸرٸنشٸ رەت كٶرٸپ تۇرمىن. كارانتين كەزٸندە كٶڭٸل كٷيدٸ كٶتەرەدٸ», - دەيدٸ قالا تۇرعىنى ەريح سۋرما.
ال ەلورداداعى اققۋلار بوتانيكالىق باقتى ۇزاق مەكەندەمەيدٸ. ٶيتكەنٸ مۇندا ولارعا ۇيا سالىپ, ورنىعا قوياتىنداي قولايلى تابيعي ورتا جوق. بۇل ورنيتولوگتاردىڭ پٸكٸرٸ.
«بوتانيكالىق ساياباقتا قامىس ٶسپەيدٸ. ولارعا ۇيا سالۋعا ىڭعايلى ورىن قاجەت. دەمەك, بۇل فاكت ۋاقىتشا قۇبىلىس بولۋى ىقتيمال» دەيدٸ ورنيتولوگ رۋسلان ورازاليەۆ.
قازٸر بوتانيكالىق باقتاعى بۇل قوس اققۋ سول اۋماقتا تۇراتىن كٶپشٸلٸكتٸڭ كٶزايىمىنا اينالعان.
