25 naýryzǵa qaraǵan túni elordanyń eki turǵyny Talapker aýylynyń mańynda ornalasqan ótkizý-baqylaý beketi arqyly ótýge tyrysqan. Olar Maldiv araldarynda (1b sanatqa jatady) demalyp kelgen týrister, dep habarlaidy astana.gov.kz saity.
Eki azamat Nur-Sultanǵa Qostanai oblysy arqyly taksimen kelgen. Taksi júrgizýshisi elordaǵa jetpei eki azamatty ótkizý-baqylaý beketiniń qasynan tastap ketken. Ótkizý-baqylaý beketinde meditsina jáne politsiia qyzmetkerleri azamattardyń densaýlyǵyn tekserip, barlyq qajetti sharalardy qabyldady. Olar jedel túrde statsionarǵa jetkizilip, koronavirýs infektsiiasyna saraptamadan ótti. Al taksi júrgizýshisi Petropavlda ustaldy. Ol da statsionarǵa jiberildi.
Elorda ákimdigi tártip buzǵandar qatań túrde jazalanatynyn eske salady. Qala mańynda ótkizý-baqylaý beketteri ornatylǵan. 22 naýryz saǵat 00-den bastap elordaǵa kirýge de, shyǵýǵa da tyiym salyndy. Osy aralyqta qalaǵa kelip-ketý tártibin buzýdyń 46 faktisi tirkeldi, 29 tártipbuzýshy 15 táýlikke qamaýǵa alyndy. Kei adamdarǵa aiyppul salynsa, basqalary sot sheshimin kútip otyr.
