Shymkentte koronavirýs juqtyrǵan eki naýqas aýrýhanadan jazylyp shyqty. Bul týraly qala ákiminiń birinshi orynbasary Erbol Sadyr baspasóz brifinginde málimdedi, dep habarlaidy "Ult aqparat".
Erbol Sadyrdyń aitýynsha, dertinen aiyqqandar - anasy men balasy.
«Dertinen aiyqqandar - 1970 jáne 1996 jyly týǵan bir otbasynyń músheleri. Naqtyraq aitqanda, anasy men balasy. «Táýelsizdikke - 20 jyl» eldimekeninde turatyn eki naýqastan alynǵan zerthananyń synamasy teris bolyp, olar úige shyǵaryldy. Dárigerler patsientterdiń jaǵdaiy jaqsy ekenin aitady. 2020 jyldyń 11 sáýir kúngi jaǵdai boiynsha Shymkent qalasynda koronavirýs infektsiiasynyń 33 jaǵdaiy tirkelgen», - dedi qala ákiminiń birinshi orynbasary.
Qalalyq densaýlyq saqtaý basqarmasynyń málimtinshe, otbasynyń qalǵan 3 múshesi meditsinalyq qyzmetkerlerdiń baqylaýymen 14 kúndik karantinge jatqyzylǵan. Sebebi, inisinen COVID-19 aýrýy 12-shi kúni anyqtalǵan. Olarmen ákesi men qaryndasy da jaqyn bailanysta bolǵan. Qalǵan patsientterdiń jaǵdaiy turaqty, qoldanystaǵy hattamalarǵa sáikes em jalǵasýda.
«Túrkistan oblysynan qalalyq juqpaly aýrýlar aýrýhanasyna COVID19 aýyrýyna shaldyqqan aýyr jaǵdaida 2 naýqas aýystyrylǵan bolatyn. Olar 48 jáne 60 jastaǵy naýqastar. Búgingi kúnge patsientterdiń jaǵdaiy qazir turaqty, dinamikanyń jaqsarǵany baiqalady» delingen qalalyq tótenshe jaǵdai jónindegi shtabynyń málimetinde.
Eske sala keteiik, dál qazirgi ýaqytta Qazaqstanda 81 adam koronavirýstan jazylyp, úiine shyqqan.
