شىمكەنتتە كوروناۆيرۋس جۇقتىرعان ەكٸ ناۋقاس اۋرۋحانادان جازىلىپ شىقتى. بۇل تۋرالى قالا ەكٸمٸنٸڭ بٸرٸنشٸ ورىنباسارى ەربول سادىر باسپاسٶز بريفينگٸندە مەلٸمدەدٸ, دەپ حابارلايدى "ۇلت اقپارات".
ەربول سادىردىڭ ايتۋىنشا, دەرتٸنەن ايىققاندار - اناسى مەن بالاسى.
«دەرتٸنەن ايىققاندار - 1970 جەنە 1996 جىلى تۋعان بٸر وتباسىنىڭ مٷشەلەرٸ. ناقتىراق ايتقاندا, اناسى مەن بالاسى. «تەۋەلسٸزدٸككە - 20 جىل» ەلدٸمەكەنٸندە تۇراتىن ەكٸ ناۋقاستان الىنعان زەرتحانانىڭ سىناماسى تەرٸس بولىپ, ولار ٷيگە شىعارىلدى. دەرٸگەرلەر پاتسيەنتتەردٸڭ جاعدايى جاقسى ەكەنٸن ايتادى. 2020 جىلدىڭ 11 سەۋٸر كٷنگٸ جاعداي بويىنشا شىمكەنت قالاسىندا كوروناۆيرۋس ينفەكتسيياسىنىڭ 33 جاعدايى تٸركەلگەن», - دەدٸ قالا ەكٸمٸنٸڭ بٸرٸنشٸ ورىنباسارى.
قالالىق دەنساۋلىق ساقتاۋ باسقارماسىنىڭ مەلٸمتٸنشە, وتباسىنىڭ قالعان 3 مٷشەسٸ مەديتسينالىق قىزمەتكەرلەردٸڭ باقىلاۋىمەن 14 كٷندٸك كارانتينگە جاتقىزىلعان. سەبەبٸ, ٸنٸسٸنەن COVID-19 اۋرۋى 12-شٸ كٷنٸ انىقتالعان. ولارمەن ەكەسٸ مەن قارىنداسى دا جاقىن بايلانىستا بولعان. قالعان پاتسيەنتتەردٸڭ جاعدايى تۇراقتى, قولدانىستاعى حاتتامالارعا سەيكەس ەم جالعاسۋدا.
«تٷركٸستان وبلىسىنان قالالىق جۇقپالى اۋرۋلار اۋرۋحاناسىنا COVID19 اۋىرۋىنا شالدىققان اۋىر جاعدايدا 2 ناۋقاس اۋىستىرىلعان بولاتىن. ولار 48 جەنە 60 جاستاعى ناۋقاستار. بٷگٸنگٸ كٷنگە پاتسيەنتتەردٸڭ جاعدايى قازٸر تۇراقتى, ديناميكانىڭ جاقسارعانى بايقالادى» دەلٸنگەن قالالىق تٶتەنشە جاعداي جٶنٸندەگٸ شتابىنىڭ مەلٸمەتٸندە.
ەسكە سالا كەتەيٸك, دەل قازٸرگٸ ۋاقىتتا قازاقستاندا 81 ادام كوروناۆيرۋستان جازىلىپ, ٷيٸنە شىققان.
